سلێمانی: لە 2 رۆژدا زیاتر لەهەزار نەخۆش سەردانی نەخۆشخانەیان كردووە

هەواڵ / کوردستان :: 13/08/2019‌ :: 139‌ جار بینراوە

دواڕۆژ، پشتیوان جەمال

لەماوەی دوو رۆژی جەژنی قورباندا زیاتر لە هەزار نەخۆش سەردانی بەشی فریاكەوتنی نەخۆشخانەی (شار)یان لەسلێمانی كردووە.

سیامەند عەلی، بەڕێوەبەری كارگێڕی نەخۆشخانەی شار ئەمڕۆ 13ی ئابی 2019 بەدواڕۆژی راگەیاند "لەماوەی دوو رۆژی جەژنی قورباندا هەزار و 57 نەخۆش سەردانی بەشی فریاكەوتنی نەخۆشخانەی (شار)یان كردووە بۆ وەرگرتنی چارەسەر بەجۆرێك، رۆژی یەكەم 680 نەخۆش، دووەم رۆژیش 377 نەخۆش.

ناوبراو روونیكردەوە: هۆكاری زۆریی سەردانی یەكەم رۆژ بەهۆی نەبوونی كلینیكە راوێژكارییەكان و مەڵبەند و بنكە تەندروستییەكانەوە بووە، هۆكارێكی دیكەی نەخۆشەكانیش ئەوەیە لەجەژندا خەڵك زیاتر شیرینی و چەوری دەخۆن.

پێداچوونەوە و بڵاوكردنەوە: ئارا‌م غەفور 



created by Avesta Group and powered by Microsoft Azure