پیشاندانی دۆخی بەساڵاچووان و نەوجەوانان لەمیدیاكانەوە قەدەغە دەكرێت

هەواڵ / کوردستان :: 13/08/2019‌ :: 297‌ جار بینراوە

دواڕۆژ، ئاراس عەزیز

وەزیری کارو کاروباری کۆمەڵایەتی حکومەتی هەرێم بڕیارێکی لەبەرژەوەندی نەوجەوانان و بەساڵاچوان دەرکرد و بڕیارەکەش دوای جەژن جێبەجێدەکرێت.


ئەمڕۆ (سێشەممە 13ی ئابی 2019) کوێستان محەمەد وەزیری کارو کاروباری کۆمەڵایەتی حکومەتی هەرێم بڕیاریدا چیتر ڕێگە نەدرێت کەناڵە میدیاییەکان سەردانی خانەی بەساڵاچوان و نەوجەوانان بکەن و لە شاشەکان نیشان بدرێن، کە زۆرێك پێیانوایە لەبەرژەوەدی ئەو توێژەیە و لەپێناو پاراستنی مافی مرۆڤ دایە".

ئەو بڕیارەی وەزیری کاروکاروباری کۆمەڵایەتی دوای پۆستێکی وتەبێژی دەستەی مافی مرۆڤ هات کە تێیدا داوایەکی ئاڕاستەی وەزیری کار کردبوو "باچیتر کەناڵەکان بۆیان نەبێت بچنە ناو خانەی نەوجەوانان و بەساڵاچوان".

لای خۆشیەوە محەمەد گۆمەشینی وتەبێژی دەستەی مافی مرۆڤ بە دواڕۆژی ڕاگەیاند "ئەوەی بەدیدەکرت لەکوردستان زۆرێک لە میدیاکان بەبێ لەبەرچاوگرتنی مافی مرۆڤ پێشێلکاری ئەنجام دەدەن و کەرامەتی مرۆڤ لەکەدار دەکرێت، بۆیە بەپێویستمان زانی داوا لە وەزیر بکرێت بۆ دەرکردنی بڕیارێکی لەم شێوەیە و ئیتر میدیاکان هەرکات بیانەوێ ڕوخساری ئەو توێژە نەخەنە سەر شاشە، چونکە زۆرێک لە بەساڵاچوو یاخوود نەوجەوانان حەزناکەن دەرکەون، بەڵام بەزۆر قسەیان پێدەکرێت کە ئەمەش پێشێلکارییە بەرامبەر بەم توێژە".

پێداچوونەوە و بڵاوكردنەوە: ئارام غەفور 



  • ڕۆژ
  • هەفتە
  • مانگ
created by Avesta Group and powered by Microsoft Azure