گەنجێک بەهۆی تەزووی کارەباوە گیانی لەدەستدا

هەواڵ / کوردستان :: پێش 1 هەفتە ‌ :: 185‌ جار بینراوە

دواڕۆژ، سیروان حەسەن


دوای ئەوەی یەکەم ڕۆژی جەژنی قوربان لەسنووری کەلار گەنجێک تەزووی کارەبا لێیدا و رەوشی تەندروستی کەوتە مەترسییەوە، ئێوارەی ئەمڕۆ لەنەخۆشخانە گیانی لەدەستدا.

عەلی جەمال قەدوری وتەبێژی پۆلیسی گەرمیان بەدواڕۆژی ڕاگەیاند "ئەوهاوڵاتییەی یەکەم ڕۆژی جەژنی قوربان لەناحیەی ڕزگاری سەر بەشاری کەلار بەر تەزووی کارەبا کەوت، ئێوارەی ئەمڕۆ لەسلێمانی گیانی لەدەستدا".

وتیشی: "هاوڵاتییەکە ناوی "تاریق محەمەد عەبدوڵا"یە و تەمەنی 27 ساڵە و ڕۆژی یەکشەممەی ڕابوردوو لەماڵەوە کارەبا گرتی و دوای چارەسەری خێرا لەکەلارەوە رەوانەی نەخۆشخانەی سلێمانی کرا".

پێداچوونەوە و بڵاوكردنەوە: ئارام غەفور 



  • ڕۆژ
  • هەفتە
  • مانگ
created by Avesta Group and powered by Microsoft Azure