دهۆك: ل شه‌ش مه‌هان پشكنینان به‌ری ماره‌بڕینێ بۆ 12 هزار كه‌سان هاتییه‌كرن

هەواڵ / کوردستان :: 12/08/2019‌ :: 119‌ جار بینراوە

دواڕۆژ، بورهان یه‌حیا


رێڤه‌به‌رییا گشتییا ساخله‌مییا پارێزگه‌ها دهۆك راگه‌هاند؛ ل شه‌ش مه‌هێن ده‌ستپێكی یێن ئه‌ڤ ساله‌ پشكنینان به‌ری ماره‌بڕینێ بۆ 12 هزار كچ و كۆڕان هاتییه‌كرن.

 

حه‌مزه‌ محه‌مه‌د عه‌لی به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك (ئه‌ڤرۆ شه‌مبی 10 ئاب 2019) بۆ دواڕۆژ دیاركر: "ل مه‌هێن بۆری تیمێن ساخله‌میێ‌ سه‌ره‌دانا 174 بنگه‌هێن ساخله‌می و كه‌مپێن په‌نابه‌رێن كوردێن رۆژئاڤا كوردستانێ‌ و كه‌مپێن ئاواره‌یان ل سنۆرێ‌ پارێزگه‌ها دهۆك كرینه‌ و پشكا كونترۆلكرنا نه‌خۆشیێن ڤه‌گر پشكنینێ‌ ل 64 گوند و بۆ نه‌هێلانا چه‌ندین جورێن پێشیا ژ جۆرێن كیۆلكس و ئۆنۆفلس كرینه‌ و تیمێن به‌رهنگاریا كرانكه‌را رابووینه‌ ب دانانا 18 هزار و 400 خالێن ژه‌هركری ل زێده‌تری 400 جهێن جودا ژ بنگه‌هێن ساخله‌میێ‌ و جهێن دی".

 

ئاماژه‌كر: "هه‌ر ل سنۆرێ‌ میحوه‌رێ‌ سحێلا و مه‌حموودیێ پتری 800 خالێن پێشمه‌رگه‌ی هاتینه‌ ره‌شاندن  و ژلایێ پشكا چاڤدێری و سه‌لامه‌تیا خوراكی ‌ 142 جهـ هاتینه‌ گرتن و 671 جهـ هاتینه‌ سزادان و زێده‌تری 110 ته‌ن كه‌رسته‌ هاتینه‌ ژناڤبرن".

 

حه‌مزه‌ محه‌مه‌د عه‌لی دیاركر: "ژلایێ رێڤه‌به‌رییا كاروبارێن خۆپارستنا ساخله‌میێ هاتییه‌ خویاكرن كو ژمارا نه‌خۆشێن شه‌كرێ‌ 143 هزار و 648 كه‌س هاتینه‌ تۆماركرن ژوان 56 هزار و 200 سه‌ره‌دانا كلینیكێن شه‌كرێ‌ كریه‌ و چاره‌سه‌ری وه‌رگرتینه هزار و 24 پشكنین په‌نجه‌شێرا مه‌مكی هاتینه‌ كرن و پشكنینا ماره‌برینێ بۆ 12 هزار و 340 كچ و كۆڕان هاتینه‌ كرن ژ پشكنین جودا جودا ژ وانا ژی پشكنینا مێلاكێ‌ یا ڤایرۆسی ژ جۆرێ بی 89  حاله‌تێن پۆزه‌تیڤ بووینه‌، پشكنینا مێلاكی یا ڤایرۆسی جۆرێ‌ سی 5 حاله‌ت، تالاسیمیا 198 حاله‌ت و چ حاله‌تێن ئایدزێ نه‌بووینه‌". 

 

بڵاوکردنەوە: چ.ع



created by Avesta Group and powered by Microsoft Azure