مەملەکەتی دەستڕۆیشتوو

هەواڵ / چاوی تۆ :: 10/08/2019‌ :: 103‌ جار بینراوە
نوسەر: جوانڕۆ مستەفا


لەم مەملەکەتەی ئێمەدا شتێک نەماوەتەوە بۆ کەسانی دڵسۆز  و کەسی چاکەخواز، هەموو بۆ جێبەجێکردنی کارێک دەبێت بچێتە بەر دەرگای ئەم بەرپرس و ئەو بەرپرس، سەرباقی ئەوەش دەبێت کەسێکی خۆیان پشکیان هەبێت، ئیتر گرنگ نییە زەرەر لە خەڵکی دەدات یان بە قازانجی خەڵکییە یان نا، گرنگ ئەوەیە بۆ هەر ئیشێک ناو و پشکی ئەمانی تێدا بێت.

ئیستا کوڕ ئەو کوڕەیە (دەستی بڕوا) و لەتەزەوییەکی تەجاوز بپچڕێ و بەنزینخانەیەک، گەراجێک، باخێک، بینایەکی بازرگانیی لەسەر دروست بکات و بتوانێ سەروەت و سامان پێکەوە بنێ، ئیتر لێت ناپرسن چۆن و بەچی پەیدات کردووە! نە یاسایەک لێت دەپرسێ و نە کەس بۆی هەیە بڵێ  بەچی و چۆن پەیدات کرد؟
کوڕ ئەو کوڕەیە کۆمپانیایەکی هەبێت و  میلـلەت دابدۆشێت و  سەروەت و سامانێکی زۆر پێکەوەبنێ و گوێنەداتێ ئەو شتەی دەیهێنیتە ئەم شارەوە کوالێتی باشە یان خراپ.

رۆژ رۆژی ئەوەیە گیرفانت پڕکە و بڕۆ، دواتر وەرە سەر شاشە و بە هەوەسی خوت قسە بەم حکومەت و حیزبانە بڵێ، بۆیە ئەوانەی لە tvیەکان و تۆڕە کۆمەڵایەتییەکان شیوەن دەکەن، بڕوایان پێمەکەن، چونکە زۆر هەبوون تا نەگەیشتبوونە ئەو دووگە چەورە هاتوهاواریان دەکرد کە دەمیان گەیشت ئیتر ئەوانیش بیدەنگ بوون. 



  • ڕۆژ
  • هەفتە
  • مانگ
created by Avesta Group and powered by Microsoft Azure