وێنە : ساڵانێک ژیان لەگەڵ پیشەی کورتان دوورین

هەواڵ / گەلەری :: 09/08/2019‌ :: 2113‌ جار بینراوە

تاگ :: وێنە

دواڕۆژ، محەمەد مستەفا

 

پیشەی کورتان دوورین یەکێکە لەکۆنترین پیشە کەلتورییەکانی میللەتی کوردە، بەڵام لەگەڵ پێشکەوتنی تەکنەلۆجیا و کەمتر بەکارهێنانی گوێدرێژ وەک هۆکاری گواستنەوە، لە ئێستادا پیشەکە بەرەو لەناوچوون دەچێت.

 

ئیراهیم عەبدوڵا، ناسراو بە وەستا برایم تەمەنی 52 ساڵە دانیشتوی ناحیەی حاجیاوای قەزای رانیەیە و ماوەی زیاتر لە 28 ساڵە سەرقاڵی پیشەی کورتان دوورینە، وەستا برایم دەڵێت: "پێکهاتەی سەرەکی کورتانی گوێدرێژ بریتیە لە جازمە و بەڕە و جەگەنە،  جەگەنە جۆرە گیایەکە کە لە هەرێمی کوردستان لەزۆر ناوچە دەڕوێت"، ئەو رۆژانە تەنیا یەک کورتان دروست دەکات.

وەستا برایم باسی لەوەشکرد: لە ئێستادا بەهۆی بوونی چەندین جۆری ئۆتۆمبێل لە گوندەکان کەمتر گوێدرێژ بۆ گواستەوە بەکاردێت و هاوکات کورتانی هاوردەکراوی ئێرانی هەڕەشە لە پیشەکەیان دەکات و لایەنە پەیوەندیدارەکانی حکومەتیش هیچ هەوڵێکیان نەداوە بۆ ئەوەی ئەو پیشە کەلتوریە کۆنە لە لەناوچوون بپارێزن.

 

بڵاوکردنەوە: چ.ع



created by Avesta Group and powered by Microsoft Azure