فلمه‌كێ جیهانى خۆ ژ فلمه‌ فه‌ستیڤالا دهۆك یا نێڤده‌وله‌تى ڤه‌كێشا

هەواڵ / که‌لتور :: 08/08/2019‌ :: 125‌ جار بینراوە

دواڕۆژ، بورهان یه‌حیا

فلمێ سینه‌مایى (تۆرن) یێ كوردى، كو چه‌ندین خه‌لاتێن جیهانى برینه‌، بڕیار دایه‌ خۆ ژ به‌ریكانه‌یا فلمێن فه‌ستیڤالا دهۆك یا نێڤده‌وله‌تى ڤه‌كێشیت و ئه‌گه‌ر ژى بۆ زمانێ ئه‌ره‌بیێ فلمى دزڤریت.


نه‌وزاد شێخانى ده‌رهێنه‌رێ فلمێ تۆرن بۆ دواڕۆژ دیاركر"بڕیار هاتبوودان فلمێ تۆرن و گرێدایى تاوانا كۆمكۆژییا دژى ئێزدییانه‌ ب ده‌ستێ داعش، به‌شداریێ د فلمه‌ فه‌ستیڤالا نێڤده‌وله‌تییا دهۆك بۆ ئه‌ڤ ساله‌ بكه‌ت، لێ وه‌ك دیاره‌ لژنه‌یا بالا ژبه‌ر زمانێ ئه‌ره‌بیێ فلمى رێگه‌ نه‌دایه‌ به‌شدارى فلمێن كوردیێ به‌ریكانه‌یێ ببیت، ژبه‌ر هندێ وه‌كو ستافێ كارى یێ فلمێ تۆرن بڕیار هاتییه‌دان به‌شدارى د چ به‌شێن به‌ریكانه‌یێ نه‌بین".

شێخانى گۆت:"ب تنێ وه‌كو كاره‌كێ مرۆڤایه‌تى و ب مه‌ره‌ما هندێ كو وه‌لاتیێن مه،‌ ب تایبه‌ت ئێزدى، بشێن ب ئاسانى فلمى ببینن بڕیار هاتییه‌دان بتنێ ل فلمه‌ فه‌ستیڤالێ بهێته‌ نیشاندان بێى كو به‌شدارى به‌ریكانه‌یێ ببیت".

هه‌روه‌سا دیاركر"لژنه‌یێ ئه‌و باوه‌رى هه‌یه‌ كو فلمێ یێ كوردى یه‌ و به‌حس ل كاره‌ساتێن كوردێن ئێزدى دكه‌ت لێ بتنێ ژبه‌ر زمانێ ئه‌ره‌بى به‌شدارى به‌ریكانه‌یێ ناكه‌ن".

 

پ: ل. م




  • ڕۆژ
  • هەفتە
  • مانگ
created by Avesta Group and powered by Microsoft Azure