پێدانی ڤیزای تورکیا لە سلێمانی کەوتەکار

هەواڵ / کوردستانی :: 04/08/2019‌ :: 373‌ جار بینراوە

تاگ :: سلێمانى

دواڕۆژ، زریان محەمەد

پێدانى ڤیزای وڵاتی تورکیا لە سلێمانی کەوتەکار و وه‌رگرتنى له‌ كونسوڵخانه‌ى توركیا له‌ شاره‌كه‌ دەبێت.


دابان نەجمەدین، رێکخەری بەشی پەیوەندیيەکانی ژووری بازرگانی و پیشەسازی سلێمانی (ئه‌مڕۆ یه‌كشه‌ممه‌ 4ى ئابى 2019) بە دواڕۆژی وت: "لەئێستاوە لە سلێمانی كونسوڵخانه‌ى تورکیا پێدانی فیزای وڵاتەکەی جێبەجێدەکات و چیتر پاسپۆرت ناچێتەوە بۆ ھەولێر بەڵكو ھەر لە كونسوڵخانه‌ ڤیزاکە لێدەدرێت و ھاووڵاتیان لە سلێمانی پاسپۆرتەکان وەردەگرنەوە".

وتیشی: "گرنگیی ئەم پڕۆسەیە لەوەدایە ماوەی گەڕانەوەی پاسپۆرتەکان خێراتر دەبێت ھەر لە سلێمانی کارەکان راییدەکرێت و ڤیزاکە لە پاسپۆرتەکە دەدرێت و لە ماوەیەکی کەمدا پاسپۆرتەکە دەگاتەوە دەست ھاووڵاتی".

پێشتر دانیشتوانی سلێمانی دەبوو پاسپۆرتەکانیان بنێرنە ھەولێر و پاشا چەند رۆژێک بۆیان دەگەڕایەوە.
 
پ: ل. م



  • ڕۆژ
  • هەفتە
  • مانگ
created by Avesta Group and powered by Microsoft Azure