جیهان به‌كورتی: ماره‌بڕینی كچێكی منداڵ له‌لایه‌ن مه‌لایه‌كه‌وه‌ ناڕه‌زایی لێده‌كه‌وێته‌وه‌

هەواڵ / جیهان :: 04/08/2019‌ :: 11669‌ جار بینراوە

تاگ :: جیهان

دواڕۆژ


بەیان- مەلایەک کارێکی سەیر بەرامبەر کچێکی تەمەن 10 ساڵ دەکات

بەپێی رۆژنامەی عوکازی سعودی، وەلید سەمعانی وەزیری دادی سعودیە گرێبەستی هاوسەرگیری کچێکی خوار تەمەن 10 ساڵی ئاڕاستەی وەزارەتی کار و پەرەپێدانی کۆمەڵایەتی کردووە، تاوەکوو بە سەرپێچییەکەدا بچنەوە، بەپێی رۆژنامەکە مەلایەک مارەبڕینەکەی ئەنجامداوەو وەزیر دوایکردووە بە گریبەستی هاوسەرگیرییەکەدا بچنەوە، چونکە کچەکە لەدایکبووی ساڵی 2009یە، لەکاتێکدا بەپێی یاسا نابێت کچانی خوار تەمەن 18 ساڵ بدرێن بە شوو.


RT- لەماوەی هەفتەیەکدا لە مەکسیک سێ رۆژنامەنووس دەکوژرێن
لەماوەی هەفتەیکدا لە مەکسیک سێیەم رۆژنامەنووس گیانی لەدەستدا، تاوانەکە لە شاری فیراکروز ئەنجامدرا، سەرەڕای ئەوەی دەسەڵات بەڵێنی دابوو بیپارێزێت.


رەئی ئەلیەوم-سەرەڕای سزاکانی واشنتۆن 12 کەشتی نەوتهەڵگری ئێرانی نەوت دەگوازنەوە بۆ دەوڵەتەکانی دیکە
رۆژنامەی نیویۆرک تایمز ئاماژەی بەوەداوە 12 نەوتهەڵگری ئێرانی ئێستاش نەوت دەگوازنەوە بۆ هەموو جیهان، سەرەڕای هەوڵەکانی واشنتۆن بۆ بڕینی هاوردە نەوتییەکانی تاران.


رەئی ئەلیەوم-بەهۆی تەقەکردن لە شاری ئل باسۆ-ی ئەمریکی 20 کەس کوژرا و 26 کەس برینداربوون... تاوانبارەکە دەستگیرکرا کە کوڕێکی سپی پێستی تەمەن 21 ساڵە.
لە مۆڵی وۆڵ مارت لە شاری ئل باسۆ لە تەکساس کەسێک دەستیکرد بە تەقەکردن و بەهۆیەوە 20 کەس کوژرا و 26 کەسیش برینداربوون.


بەیان- هەسارۆچکەیەک بە هێزی 30 بۆمبی ئەتۆمی لە زەوی نزیکدەبێتەوە
پسپۆران هەسارۆچکەیەکیان دیاریکرد تیرەکەی 187 و 421 پێ یە و بە دووری 70 هەزار کیلۆمەتر لە زەوی نزیکبووەتەوە، واتا لە مانگ نزیکترە، زاناکان بڕیاریاندا هەسارەکە ناویبنێن "OK 2019".


ئاژانسی ئیخباریە نیوز- لە رووسیا مێروویەکی سەیر بڵاودەبێتەوە
زاناکانی رووسیا گەشەیەکی چاوەڕێ نەکراوی چەند زیندەوەرێکیان تۆمارکرد، چونکە دەرکەوت چەند مێروویەکی سەیر چوونەتە دەرەوەی سنوورە سروشتییەکەیان، ئەمەش زیانێکی زۆر بە ژینگە و ئابووری رووسیا دەگەیەنێت.


ئەسرار میدیا- لە دۆخێکی گوماناویدا هەموو ئەندامەکانی خێزانێک گیان لەدەستدەدەن
 ئێستاش ئەو تاوانەی هەفتەی پێشوو عوممانی هەژاند و تیایدا هەموو ئەندامانی خێزانێک بوونە قوربانی گوماناوی، بەتایبەتی لەسەر چۆنیەتی ئەنجامدانی تاوانەکە و هۆکارەکەی پشتەوەی.


ئیقبات- رووسیا باری نائاسایی رادەگەیەنێت... ئاگر 2.7 ملیۆن دۆنم لە دارستانەکانی سیبیریا دەسوتێنێت
رۆژی چوارشەممە رۆژنامەی (فاینانشاڵ تایمز)ی بریتانی وردەکاری ئەو ئاگرە زەبەلاحەی رووسیای بڵاوکردەوە کە رووبەری 2.7 ملیۆن دۆنمی لە دارستانەکانی سیبیریای سوتاند و بەهۆیەوە رووسیا باری نائاسایی راگەیاند.


ئەی ئەی- ئەردۆغان بەردی بناغەی یەکەم کەنیسەی سریانییەکان لە ئەستەمبوڵ دادەنێت
رۆژی هەینی رەجەب تەیب ئەردۆغان-ی سەرۆکی تورکیا بەردی بناغەی یەکەم کەنیسەی سریانییەکانی لە ئەستەنبوڵ دانا.


ئندیپێندەدنت- سەرۆکە نویکەی سلڤادۆر بەبۆنەی یەکەم رۆژی وڵاتەکەی بەبێ تاوان ئاهەنگ دەگێڕێت
سەرۆکە نوێکەی سلڤادۆر بەبۆنەی رۆژێکی دەگمەنەوە کە هیچ تاوانی تیادا ئەنجام نەدراوە ئاهەنگ دەگێڕێت، لە وڵاتێکدا کە تاوان بەشێکی ژیانی رۆژانەیە.


نیوس ویک- دۆناڵد ترامپ دەڵێت ئەمەریکا هێندەی نەماوە شێرپەنجەی منداڵان و ئایدز چارەسەر بکات، زاناکان بۆچوونێکی دیکەیان هەیە.
ئێوارەی پێنجشەممە دۆناڵد ترامپی سەرۆکی ئەمریکا وتی "ئەمریکا هیندەی نەماوە شێرپەنجەی منداڵ و ئایدز چارەسەر بکات، بەبێ ئەوەی روونی بکاتەوە چۆن و کەی ئەم ئامانجە بەدەست دەهێنێت، لەبەرامبەردا کۆمیتەی شێرپەنجەی ئەمریکی ئاماژەی بەوەداوە ساڵی 2019 زیاتر لە 11 هەزار حاڵەتی دیکەی شێرپەنجەی منداڵان تۆمار دەکرێت.

دێبكا- سعودیه‌ و ئیمارات به‌ نهێنی له‌گه‌ڵ ئێراندا په‌یوه‌ندیان هه‌یه‌
پێگه‌ی ئیسرائیلی دێبكای نزیك به‌ ده‌زگا ئه‌منییه‌كانی ئیسرائیل ئاشكرای ده‌كات: ئیمارات و سعودیه‌ بۆیان ده‌ركه‌وتووه‌ ئامانجه‌كانی دۆناڵد ترامپی سه‌رۆكی ویلایه‌ته‌ یه‌كگرتووه‌كانی ئه‌مریكا به‌لامبه‌ر به‌ ئێران له‌گه‌ڵ ئامانجه‌كانی ئه‌وان یه‌كناگرنه‌وه‌ بۆیه‌ به‌ نهێنی له‌ سه‌ر پرسی پاراستنی بواری ئه‌منی و هاتووچۆی كه‌شتییه‌كان له‌ كه‌نداو دا له‌گه‌ڵ ئێران په‌یوه‌ندیان هه‌یه‌.

مه‌شرێق- مه‌لیكی ئوردن داوای چاوپێكه‌وتنی سه‌رۆك وه‌زیرانی ئیسرائیل ره‌تده‌كاته‌وه‌
مه‌لیك عه‌بدولڵای دووه‌م، مه‌لیكی ئوردن داوای بنیامین نه‌تانیاهۆی سه‌رۆك وه‌زیرانی ئیسرائیلی بۆ دیدار و چاوپێكه‌وتن له‌گه‌ڵیدا ره‌تكرده‌وه‌.

فه‌رانگه‌ر- مه‌راسیمی به‌ خاكسپاردنی سه‌گێك له‌ ئێران هه‌را ده‌نێته‌وه‌
له‌ شاری ره‌شت له‌ باكووری ئێران دوو هاوسه‌ر هاوشێوه‌ی مرۆڤ مه‌راسیمی به‌خاكسپاردنیان بۆ سه‌گه‌كەیان ئه‌نجامداوه‌، به‌ڵام یه‌ك رۆژ دوای به‌خاسپاردنی ئه‌و سه‌گه‌، به‌ فه‌رمانی هێزی دادوه‌ری و هێزه‌ ئه‌منییه‌كانی ئێران ئه‌و سه‌گه‌یان له‌ قه‌بره‌كه‌یدا هێنایه‌ ده‌ره‌وه‌ و ئه‌و دوو هاوسه‌ره‌ش ده‌ستگیركران.

وەرگێڕان: هێڤی فەرهاد و ئازوو محەمەد

پێداچوونەوەو بڵاوکردنەوە: ئیحسانی مەلا فوئاد



created by Avesta Group and powered by Microsoft Azure