سێ ژن لە ئێران بە تۆمەتێكی سەیر بە 55 ساڵ زیندانیکردن سزا دەدرێن

هەواڵ / جیهان :: 01/08/2019‌ :: 4864‌ جار بینراوە

تاگ :: جیهان

دواڕۆژ، ئازوو محەمەد

 دەسەڵاتی دادوەری ئێران، سێ ژن بە تۆمەتی ئەوەی لە رۆژی جیهانی ژندا لە مێترۆی تاران و لە فارگۆنی ژنان بە بێ سەرپۆش گوڵیان بەسەر ژنەكاندا دابەشکردووە،هەرسێکیان بە 55 ساڵ زیندانیکردن سزا درانکە دابەش بووە بەسەر جۆری تۆمەتەکانیاندا.

بە گوێرەی راپۆرتێکی ئێران ئەنترنەشناڵ: (موژگان كێشاوەرز، مونیرە عەرەبشاهی و  یاسەمەن ئاریانی کچی)ی لە ناڕازییانی حیجابی زۆرەملێ لە رۆژی جیهانی ژندا و لە فارگۆنی ژنان، بە بێ سەرپۆش، گوڵیان بە سەر ژنان و بە تایبەت ژنانی باڵاپۆش بەخشیوەتەوە.

ئەو  سێ ژنە  گرتەی ڤیدیۆیی گوڵ بەخشینەوەكەیان لە تۆڕە كۆمەڵایەتییەكاندا بڵاوكردووتەوە و دوابەدوای ئەوە لە لایەن هێزە ئەمنییەكانی ئێرانەوە دەستگیركراون و گوازراونەتەوە بۆ زیندانی قەرچەك لە شاری وەرامین.

ئەمڕۆ پێنجشەممە 1ی ئاب، دەسەڵاتی دادوەری ئێران ئەو سێ خانمەی بە تۆمەتی پرۆپاگەندە دژ بە كۆماری ئیسلامی ئێران، كۆبوونەوە و پشتگیری بۆ پەرەپێدانی بێ رەوشتی و ئاڵۆزكردنی دۆخی ئەمنی كۆمەڵگە، هەرسێکیان بە 55 ساڵ و شەش مانگ زیندانی سزادان کە دابەش بووە بەسەر جۆری تۆمەتەکانیاندا.

پێداچوونەوە:ئەڤین

بڵاوكردنه‌وه‌:هـ.ق



created by Avesta Group and powered by Microsoft Azure