لەسنوری کەرکوک دەست بەسەر داتا و زانیاری داعشدا دەگیرێت

هەواڵ / کوردستانی :: 01/08/2019‌ :: 251‌ جار بینراوە

دواڕۆژ، عیماد جەباری

هێزە سەربازییەکانی عێراق دەستیان گرت بەسەر داتایەکی گرنگی چەکدارانی داعش لەسنووری کەرکوکدا و نۆ حەشارگەی ئەو گروپەشیان خاپور کرد.

لیوا روکن سەعد حەربییە فەرماندەی ئۆپراسیۆنەکانی کەرکوک لە ڕاگەیاندراوێکدا کە بۆ دواڕۆژ هاتووە ئاماژە بەوەكراوە "لە هەردوو گوندی خوردات و بنادرەی ناحیەی رەشاد سێ حەشارگە و شەش تونێلی چەکدارانی داعش ئاشکرابوون و شەش بۆمب و بڕێک مادەی سیفۆر تەقێندراونەتەوە".

وتیشی: "لەناوچەی وادی زغێتون سێ بۆمب و ژمارەیەک گولـلە هاوەنی ١٢٠ ملم دەستیان بەسەرداگیراوەو دەستیش گیراوە بەسەر فلاش میمۆرییەکدا کە تەواوی داتا و زانیارییەكانی ئەو گروپەی تێدایە لەسنووری کەرکوک لەگەڵ کۆمەڵێک وتاری چەکدارانی داعش".

پێداچوونەوە: ئارام غەفور 

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure