ئەو گەنجەی تۆمەتبارە بە کوشتی خوشکەکەی، خۆی ڕادەستی پۆلیس کرد

هەواڵ / کوردستان :: 31/07/2019‌ :: 377‌ جار بینراوە

دواڕۆژ، ئاکۆ حەمەد رابی

ئەو گەنجەی ناحیەی خەلیفان کە تۆمەتبارە بە کوشتنی خوشکەکەی، ئێوارەی ئەمڕۆ چوارشەممە 31ی تەمموز خۆی رادەستی پۆلیس کرد و بەپێی ماددەی 406 راگیراوە.


رائید سەعدون هاودیانی وتەبێژی پۆلیسی سۆران بەدواڕۆژی وت: "ئێوارەی ئەمڕۆ پێنجشەممە ئەو کەسەی کە تۆمەتبارە بە کوشتنی خوشکەکەی، خۆی رادەستی پۆلیس کرد و لە لێکۆڵینەوەی سەرەتایی دانی بە ئەنجامدانی تاوانەکەیدا ناوە".

ئاماژەی بەوەشکرد کە، تۆمەتبارەکە لەسەر فەرمانی دادوەری لێکۆڵینەوە بەپێی ماددەی 406 راگیراوە.

وتەبێژی پۆلیسی سۆران رونیشیکردەوە "تۆمەتبارەکە ناوی س.س.ع - ەو تەمەنی نۆزدە ساڵانە".

رۆژی 20ی تەمموز کچێک لە گوندێکی ناحیەی خەلیفانی قەزای سۆران بە گولـلە کوژرا.

 پێداچوونەوە و بڵاوکردنەوە: ئارام غەفور



created by Avesta Group and powered by Microsoft Azure