كەسێك بەتۆمەتی دزینی ماتۆڕسکیل دەستگیرکرا

هەواڵ / کوردستان :: 31/07/2019‌ :: 273‌ جار بینراوە

دواڕۆژ، ئاراس عەزیز

لەگەڕەکی باداوەی شاری هەولێر دوای ئاگادارکردنەوەی پۆلیس بە هەبوونی ڕووداوێکی دزیکردن، توانرا دزێکی ماتۆڕسکیل دەستگیر بکرێت.


ئەمڕۆ چوارشەممە، 31ی تەمموزی 2019 پۆلیسی هەولێر ئاماژەی بە دەستگیر كردنی دزێک کردووە کە هەڵساوە بە ئەنجامدانی تاوانی دزیکردن و مامەڵەکردن بە ماددەی هۆشبەر.

هۆگر عەزیز وتەبێژی پۆلیسی هەولێر بە دواڕۆژی ڕاگەیاند "دوای ئاگادارکردنەوەی پۆلیس بە بوونی ڕووداوێکی دزیکردن لە گەڕەکی باداوا، دەستبەجێ پۆلیس دۆسیەی لێکۆڵینەوەی بۆ ئەم ڕووداوە کردەوەو توانی ناسنامەی تۆمەتبارێک ئاشکرا بکات و دەستگیری بکات."

وتیشی: "بەهاوکاری نەهێشتنی تاوانی باشوور، دوای کۆکردنەوەی زانیاری توانیویانە ناسنامەی تۆمەتبار ئاشکرا بکەن و دەستگیری بکەن."

تۆمەتبار ناوی (د.ع.ع)ە و تەمەنی (۲۱) ساڵە، دوای دەستگیرکردنی دانی ناوە بە تاوانەکەیدا کە هەستاوە بە دزینی (ماتۆڕ سکیلێک) هەروەها لەکاتی دەستگیرکردنی بڕێک ماددەی هۆشبەری لابووە لە جۆری جگەرەی جامایکی و کڕیستال".

هۆگر عەزیز وتیشی: "پەڕاوی لێکۆڵینەوە بۆ تاوانبارەکە ڕێکخراوە و ڕەوانەی دادوەر کراوە، بڕیاریداوە بە بەند کردنی تۆمەتبار بە ماددەی (٤٤٤) لە (ی.س.ع)...



پێداچوونەوە و بڵاوكردنەوە: ئارام غەفور 



created by Avesta Group and powered by Microsoft Azure