تورکیا خوێندنگەكانی سەر بە فەتحوڵـڵا گولەن لە بەغدا بەڕێوەدەبات

هەواڵ / جیهان :: 30/07/2019‌ :: 176‌ جار بینراوە

دواڕۆژ
 
باڵیۆزی تورکیا لە عێراق ئاشکرایکرد"وەقفی مەعاریفی توركیا لە هەوڵی ئەوەدایە 6 خوێندنگە لە گەڕەکەكانی زەیونە و مەنسور-ی بەغدای پایتەختی پایتەختی عێراق وەربگرێت کە لەلایەن بزووتنەوەكەی فەتحوڵـڵا گولەن دروستکراون و لەداهاتوودا تورکیا ئیدارەیان دەدات".

 
فاتح یڵدز باڵیۆزی تورکیا لە عێراق، دوێنێ‌ "دووشەممە 29ی تەموزی 2019" سەردانێکی مەیدانیی بۆ ئەو خوێندنگەیانە كرد و وتی:"لەسەرەتای دەسپێکردنی ساڵی تازەی خوێندن، بە سەرپەرشتی ئیدارەی وەقفی مەعاریفی تورکیا و بەپێی پێوەرە نیودەوڵەتیەکان، ئەو خوێندنگەیانە دەرگاکانی بە رووی خوێندکارە عێراقییەکاندا دەکاتەوە و بە هەر سێ زمانی عەرەبی و تورکی و ئینگلیزی وانەیان تێدا دەخوێنرێت".
 
دوای کودەتا شکستخواردووەکەی ساڵی2016، تورکیا بڕیاریدا وەقفی مەعاریف پێکبێنێت بۆ وەرگرتن و ئیدارەدانی ئەو خوێندنگەیانەی لەلایەن بزوتنەوەكەی فەنحوڵـڵا گولەن-ەوە لە دەرەوەی توركیا دروستکراون.
 
وە: ئاکۆ زەنگەنە
پ: ل. م



created by Avesta Group and powered by Microsoft Azure