بڕیاره‌كا حكومه‌تا تركیا رێژا گه‌شتییاران ل زاخۆ زێده‌كریه

هەواڵ / ئابوری :: 27/07/2019‌ :: 240‌ جار بینراوە

دواڕۆژ، دهۆك

‌ژبه‌ر بڕیاره‌كا حكومه‌تا وه‌لاتێ تركیا بۆ هاتنوچۆنا ده‌رگه‌هێ سه‌رزێرى رێژه‌یا گه‌شتییارێن باكو‌رێ كوردستانێ بۆ زاخۆ زێده‌بوویه‌.


چیا ئه‌مین، رێڤه‌به‌رێ گه‌شتوگۆزارا زاخۆ بۆ دواڕۆژ گۆت: "بڕیارا حكومه‌تا تركیا بۆ ڤه‌كرنا ده‌رگه‌هێ سه‌رزێرى به‌رامبه‌ر رێڤنگان و گه‌شتییاران ل هه‌موو رۆژێن هه‌فتیێ راسته‌وخوه‌ كاریگه‌رى لسه‌ر زێده‌بوونا گه‌شتییاران ل قه‌زا زاخۆ هه‌بوویه‌".

ناڤبۆرى خوه‌یاكر: "رێككه‌ڤتنێن گه‌شتۆگۆزارا دهۆك ژى دگه‌ل كۆمپانیێن گه‌شتییاریێن باژارێن (ته‌توان، به‌دلیس، جۆله‌مێرگ، وان) دێ گه‌له‌ك مفای گه‌هینیت باژارێ زاخۆ، چنكو ژماره‌كا گشه‌تییارێن وان باژاران دێ قه‌ستا باژارێ زاخۆ كه‌ن".

ناڤبۆرى خوه‌یاكر: "زاخۆ خۆدان چه‌ندین جهێن گه‌شتوگۆزارییه‌، رێڤه‌به‌رییا مه‌ دێ شێت ب باشترین ره‌نگ پێشوازیێ ل وان گه‌شتییاران كه‌ت یێن ب رێیا ده‌رگه‌هێ سه‌رزێرى قه‌ستا زاخۆ بكه‌ن".

پتریا گه‌شتییارێن سالێن ده‌ربازبووى قه‌ستا باژارێ زاخۆ دكرن ژ ناڤه‌راست و باشورێ ئیراقێ بوون، رێژه‌كا كێم یا گه‌شتییاران ژ باكورێ كوردستان د رێیا ده‌رگه‌هێ ئیبراهیم خه‌لیل دهاتن زاخۆ.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە