وێنە: پێكدادانی دوو فڕۆكەی فڕەنسی

هەواڵ / جیهان :: 25/07/2019‌ :: 393‌ جار بینراوە

تاگ :: جیهان

دواڕۆژ

بەهۆی پێكدادانی دوو فڕۆكە لە ئاسمانی باشوری فەرەنسا دوو كەس گیانیان لە دەستدا و كەسێكیش برینداربوو. 

ڕۆژنامەی دەیلی مەیل-ی بریتانی بڵاویكردەوە كاتژمێر 12:45 خولەكی نیوەڕۆی ئەمڕو دوو فڕۆكە لە سەر ڕێڕەوی مادالینا بەیەكیاندا داوە كە دەكەوێتە سنوری چیایی ئەلب لەگەڵ ئیتاڵیا.

رووداوەكە لە بەرزی 2775 مەترەوە روویداوەو بووه‌تەهۆی گیانلەدەستدانی دوو كەس كە تەمەنیان 18 ساڵ بووەو و برینداربوونی كەسێكی تر كە تەمەنی 37 ساڵە.

ڕۆژنامەكە ئاشكرایكردووە ئەو دوو كەسەی گیانیان لەدەستداوە لەناو یەك فڕۆكەدابوون و بریندارەكە لەناو فڕۆكەكەی تردا بووەو توانیویەتی بنیشێتەوە.

رۆژنامەكە ئاشكرای كردوە برینی بریندارەكە سوكەو لە ئێستادا رەوشی تەندروستی باشە.

هەردوو فڕۆكە گەشتیارییەكە لە فڕۆكەخانەی سان بونس لە دۆڵێكی نزیك لارش لە ناوچەی بری لافونت لە باشوری راس فیراسیە دەستیان بە گەشتەكەیان كردووەو لەكاتی رووداوەكەدا بەپەلە ئۆتۆمبێلی ئاگركوژاندنەوە و پۆلیس و ئەمبوڵانس نێردراونەتە شوێنی رووداوەكە.

یەكێك لە فڕۆكەكان سەر بە كۆمپانیای (بیربل ئەڤیشن)ـە كە كۆمپانیایەكی بریتانییەوەو خۆی بە یەكێك لە باشترین كۆمپانیاكانی راهێنانی فڕین هەژمار دەكات، بەڵام تائێستا هیچ راگەیاندراوێكی لەسەر رووداوەكە بڵاونەكردووه‌تەوە.
 
پێداچونەوە: پەری



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە