لەهێرشێکی داعشدا لە ناوچەیەکی کوردستان حەوت کەس کوژران

هەواڵ / کوردستان :: 24/07/2019‌ :: 295‌ جار بینراوە

دواڕۆژ، عیماد جەباری

لەسنوری ناوچەی حەفتەغاری سەر بە قەزای داقوق بەهۆی هاوەنبارانکردنی هەڕەمەکی و دەستڕێژی گوللەی چەکدارانی داعشەوە، حەوت کەس کوژران و چوار کەسی دیکەش برینداربوون.


محەمەد ئیبراهیم، ئەنجومەنی گوندی دارا لەناوچەی حەفتەغار (ئەمشەو چوارشەممە 24ی تەمموزی 2019) بەدواڕۆژی راگەیاند "چەکدارانی داعش لەڕێگەی گوللە هاوەنەوە هێرشیانکردووەتە سەر گوندەکەمان و چوار گوللە هاوەن بەر خانووی هاووڵاتیان کەوتووە و بەهۆیانەوە چوار کەس برینداربوون و برینی یەکێکیان سەختە".

وتیشی: "لەدوای هێرشەکە ئۆتۆمبێلێک کە خێزانی تێدابووە، بەرەو سەنتەری قەزای داقوق چووە و دەستڕێژی گوللەی لێکراوە و سەرجەمیان کوژراون کە چوار ژن و پیاوێک و سێ منداڵی تێدابووە".

پ: ن.ر

بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure