گەنجێک خنکا

هەواڵ / کوردستانی :: پێش 4 هەفتە ‌ :: 188‌ جار بینراوە

دواڕۆژ، ئاکۆ حەمەد رابی

ئێوارەی ئەمڕۆ سێشەمە 23ی تەموزی 2019 گەنجێک لە کاتی مەلەکردندا لە ڕووباری خەلان خنکا و تائێستاش تەرمەکەی نەدۆزراوەتەوە.

رائید بەیار باڵەکی وتەبێژی بەرگری شارستانی سۆران بەدواڕۆژی وت: "ئێوارەی ئەمڕۆ گەنجێک لە ڕووباری خەلان لە ناحیەی خەلیفانی قەزای سۆران خنکاوەو تیمەکانی بەرگری شارستانیش گەیشتوونەتە شوێنێ رووداوەکە، بەڵام بەهۆی تیژڕەویی رووبارەکەوه‌ تائێستا تەرمەکەی نەدۆزراوەتەوە".

ئاماژەی بەوەشدا کە، ئەو گەنجە بەمەبەستی مەلەکردن چووه‌تە ناو رووبارەکە، بەڵام بەهۆی نەشارەزایی و نەزانینی مەلەکردن، تووشی ئەو ڕووداوە بووە.

وتەبێژی بەرگری شارستانی سۆران باسی لەوەشکرد کە، ئەو گەنجەی خنکاوە ناوی (م.ج.م) تەمەنی 20 ساڵانە و دانیشتووی سنوری ناحیەی خەلیفانە.

پێداچوونه‌وه‌: ئیحسانی مه‌لا فوئاد

بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure