واده‌ى هه‌ڵبژاردنى ئه‌نجومه‌نى پارێزگاكان دیاریكرا

هەواڵ / عێراق :: پێش 4 هەفتە ‌ :: 688‌ جار بینراوە

 دواڕۆژ
 ئێواره‌ى ئه‌مڕۆ دووشه‌ممه‌ 22ى ته‌مموز په‌رله‌مانى عێراق هه‌موارى یاساى ئه‌نجومه‌نى پارێزگاكانى كرده‌وه‌ و به‌وپێیه‌ش مانگى نیسانى ساڵى 2020 دیاریكراوه‌ بۆ ئه‌نجامدانى هه‌ڵبژاردنى ئه‌و ئه‌نجومه‌نانه‌ و پرسی كه‌ركوكیش پرۆسه‌ى ده‌نگدانى دواخستووه‌ له‌سه‌ر  تێكراى ئه‌و هه‌موارانه‌ى كه‌ له‌ یاساكه‌دا كراون.

له‌ كۆبوونه‌وه‌ى ئه‌مڕۆى په‌رله‌مانى عێراقدا 20 بڕگه‌ى پڕۆژه‌یاساى هه‌موارى یاساى ئه‌نجومه‌نى پارێزگاكان په‌سه‌ندكرا و ته‌نها دوو مادده‌ى ماوه‌ یه‌كلایی بكرێته‌وه‌. 

له‌وباره‌یه‌وه‌ جه‌مال شوكر ئه‌ندامى په‌رله‌مانى عێراق به‌ دواڕۆژى وت:" به‌پێى هه‌موارى یاساكه‌ یه‌كى نیسانى ساڵى 2020 هه‌ڵبژاردنى ئه‌نجومه‌نى پارێزگاكان ئه‌نجام ده‌ردێت".

وتیشى: "ناكۆكى له‌سه‌ر پرسی هه‌ڵبژاردنى ئه‌نجومه‌نى پارێزگاكان هه‌یه‌ له‌ كه‌ركوك و ئه‌و پرسه‌ یه‌كلایی نه‌كراوه‌ته‌وه‌ و كێشه‌كانیش له‌سه‌ر سنورى ئیدارى ئه‌و پارێزگایه‌ و گۆڕانكاریى دیمۆگرافیاى شاره‌كه‌یه‌".

 ئا : هـ.ق   



  • ڕۆژ
  • هەفتە
  • مانگ
created by Avesta Group and powered by Microsoft Azure