لەسەر ئامادەكردنی قاوە دوو گەشتیار لە ئیتاڵیا دەركران

هەواڵ / جیهان :: 23/07/2019‌ :: 132‌ جار بینراوە

تاگ :: جیهان

دواڕۆژ

پاش ئەوەی پۆلیسی شاری ڤینیسیا دوو گەشتیاری ئەڵمانی بینی بە بتڵێك غازی بچكۆلە لەژێر پردی ریاڵتۆ خەریكی ئامادەكردنی قاوە بوون، هەردوو گەشتیارەكە بە بڕی 950 یورۆ غەرامەكران و دەست بەجێ رەوانەی وڵاتەكەیان كرانەوە.

 

یاسا و ڕێنماییەكانی شاری ڤینسیا وا پێویست دەكات گەشتیار رەفتاری باش بنوێنێت و پاكوخاوێنی بپارێزێت و رەچاوی باری ئاسایش بكات، چونكە ئەو شارە رۆژانە گەشتیارێكی زۆر رووی تێدەكەن و ئەگەر ئەو یاسا و رێنماییانە نەسەپێنرێن كێشەی ژینگەی و كۆمەڵایەتی زۆر دروست دەبێت.

 هەر بە پێی یاساكانی ئەو شارە گەشتیار بۆی نییە بە بێ كراس بسوڕێتەوە یان لە فوارە و سەرچاوە ئاوییەكاندا خۆی بشوات.

ژمارەی دانیشتوانی ڤینیسیا 55 هەزار كەسە و ساڵانە 30 ملیۆن گەشتیار لە سەرتاسەری جیهانەوە سەردانی دەكەن.

پێداچوونەوە:ئەڤین



created by Avesta Group and powered by Microsoft Azure