بەڕێوەبەری گشتی ئاژانسی نێودەوڵەتی وزەی ئەتۆم كۆچی دوایی كرد

هەواڵ / جیهان :: 22/07/2019‌ :: 3887‌ جار بینراوە

تاگ :: جیهان

دواڕۆژ


ئاژانسی نێودەوڵەتی وزەی ئەتۆم، (ئەمڕۆ دووشەممە 22ی تەمموزی 2019) بڵاویكردەوە: یۆكیا ئەمانۆ-ی بەڕێوەبەری گشتییان لەتەمەنی 73 ساڵیدا كۆچی دوایی كردووە.


رێكخراوی ئاژانسی نێودەوڵەتی وزەی ئەتۆم لەبەیاننامەیەكیدا بڵاویكردووەتەوە: ئەمینداریەتی گشتی پرسەی خۆی بۆ بەڕێوەبەری گشتی رادەگەیەنێت كە ئەمڕۆ دووشەممە كۆچی دوایی كردووە.


رێكخراوەكە هۆكاری گیان لەدەستدانی یۆكیا ئەمانۆی بەڕێوەبەرەكەی ئاشكرا نەكردووە كە لەساڵی 2009وە ئەو پۆستە بەڕێوە دەبات.


ئامانۆ خەڵكی ژاپۆنە و رۆژی 9ی ئایاری 1946 لەدایكبووە، تایبەتمەندیی هەیە لە كاروباری داماڵینی چەك و ئەتۆم لەزانكۆكانی فرانچ كۆمتی و نیس-ی فرەنسی خوێندوێتی لەنێوان ساڵانی 1973 و 1975.

ئامانۆ باڵێۆزی وڵاتەكەی بووە لە هەریەك لە واشنتۆن و برۆكسل و كونسڵی گشتی بووە لە لەشاری مارسیلیای باشووری فرەنسا.


ئا: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure