ده‌ستنیشانكرنا نه‌خۆشییان دێ ب گۆره‌ی ستانده‌رێن جیهانی بیت

هەواڵ / کوردستانی :: 21/07/2019‌ :: 141‌ جار بینراوە

دواڕۆژ، بورهان یه‌حیا

رێڤه‌به‌رییا گشتییا ساخله‌مییا پارێزگه‌ها دهۆك راگه‌هاند؛ هه‌موو كارمه‌ندێن تاقیگه‌هان دێ فێڕی نووترین سیسته‌مێ ده‌ستنیشانكرنا نه‌خۆشییان بن و دێ هه‌موو جۆر نه‌خۆشی ب گۆره‌ی ستانده‌رێن جیهانی هێنه‌ دیاركرن.


حه‌مزه‌ محه‌مه‌د عه‌لی به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك (ئه‌ڤرۆ ئێكشه‌مب 21 ته‌مووز 2019) بۆ دواڕۆژ دیاركر"  ب رێیا سه‌نته‌رێ تاقیگەھا تایبەتمەند ل ‏دھۆك خوله‌كا زۆر پێشكه‌فتی بۆ ھژمارەکا نۆژدارێن بسپۆرێن باسولۆجی دگەل نیشتەجێن دێرین ل ‏پارێزگەھێن ناڤەراست و ژێریا ئیراقێ و دھۆك ل دۆر نووترێن زانستین تاقیگەھی ‏د بوارێ باسولۆجی دا ھاتە ڤەکرن و دووڤدا ئه‌زموون دێ هێنه‌ وه‌رگرتن و به‌شداربوویی دێ باوەرنامەیێن ‏جیھانی وه‌رگرن".

خویاكر" دوو تایبەتمەند ژ وەلاتی بریتانیا ھاتینە دھۆک بۆ مەشقدانێ ل سەر بسپۆرییا باسولۆجی ئەو مەشقدان و ئەزموونان دی ب ستافی دھۆک و مووسل و بەغدا ‏ و پارێزگەھێن دی یێن ئیراق و ھەرێما کوردستانێ کەن ئەڤە گرێدایی چەوانیا دەست ‏نێشانکرنا نەخۆشیان و چەوانیا ریپۆرتکرنا وان بۆ وان نۆژدارین نموونە یێن (زرعی) ‏رەوانەی تاقیگەھی دکەن ئەڤە بۆ جارا ئێکی یە ل دھۆکێ خۆلەک ب ڤێ شیوەیێ دھێتە ‏ڤەکرن و دێ بیتە ھاندار باشتر کار ب رێک ‏و پێکی بھێتە ئەنجامدان".‏

حه‌مزه‌ محه‌مه‌د عه‌لی ئاماژه‌كر" ھه‌ژمارەما نۆژدارێن بسپۆر ل دھۆک دگەل نۆشدارێن نیشتەجێ بۆ سێ رۆژان بەشدارن و دێ بۆ ده‌مێ سێ رۆژان دھێنە مەشقدان و پاشی ئەزموون ھێتە کرن ئەو باوەرنامە ‏ب دەرچۆیان دھێتە دان ژی باوەرنامەکا دانپێدان کرییە ل بریتانیا ئەو دەولەتێن سیستەمێ ‏بریتانی بکاردئینن".

ناڤبۆری دیاركر" شەش نۆژدارێن دھۆک بەری نوکە ئەڤ جۆرێ باوەرنامه‌یێ دەست ‏خۆڤە ئیناینە و ڤێ چه‌ندێ دی ‏کارتێکرنەکا باش بۆ ستاندەرێن کاری د بیاڤێ باسولۆجی دا ھەبیت".

پ: ک. س



created by Avesta Group and powered by Microsoft Azure