كچێك له‌لایه‌ن براکەیەوە كوژرا

هەواڵ / کوردستان :: 21/07/2019‌ :: 2510‌ جار بینراوە

دواڕۆژ، ئاكۆ حه‌مه‌د رابی 

بەرەبەیانی ئەمڕۆ یەکشەممە له‌ گوندێكی ناحیه‌ی خه‌لیفانی قه‌زای سۆران، كچێك له‌لایه‌ن براكەیه‌وه‌ كوژراوه‌ و تۆمه‌تباره‌كه‌ش تائێستا دەستگیرنەکراوە. 


رائید سه‌عدون هاودیانی، وته‌بێژی پۆلیسی سۆران به‌دواڕۆژی وت: "بەرەبەیانی ئەمڕۆ نه‌خۆشخانه‌ی خه‌لیفان لەبوونی تەرمی کچێکی دانیشتووی گوندی تارینان ئاگاداریان کردینەوە کە بەوتەی باوکی لەلایەن برایەکییەوە بە گوللە کوژراوە".

وتیشی: "باوكی كچه‌كه‌ دەڵێت ئێمە نازانین هۆكاری كوشتنه‌كه‌ی چیبووه‌". 

وته‌بێژی پۆلیسی سۆران باسی له‌وه‌شكرد: كچه‌كه‌ ناوی (س.س.ع) و ته‌مه‌نی 17 ساڵە و كچی ماڵه‌وه‌یه‌. تۆمەتباری رووداوەکەش هەڵهاتووە و تائێستا دەستگیرنەکراوە.

پ: ن.ر



created by Avesta Group and powered by Microsoft Azure