گەنجێک لە مەلەوانگە خنکا

هەواڵ / کوردستان :: 19/07/2019‌ :: 3567‌ جار بینراوە

دواڕۆژ، سیروان حەسەن

لەشارۆچکەی کفری، گەنجێکی تەمەن 34 ساڵ لەکاتی مەلەکردن لەمەلەوانگە خنکا، پۆلیسی گەرمیانیش لەسەر ئەو رووداوە دوو کەسی دەستگیرکردووە.


عەلی قەدوری، وتەبێژی پۆلیسی گەرمیان (ئەمشەو هەینی 19ی تەمموزی 2019) بەدواڕۆژی راگەیاند: ئێوارەی ئەمڕۆ تەرمێک هێنرایە بەشی پزیشکی دادوەری قەزای کەلار کە بەهۆی خنکان گیانی لەدەستدابوو. 

وتیشی: "بەوتەی کەسوکارەکەی ئەوکەسە ناوی (نایب بەکر محەمەد)ەو تەمەنی 34 ساڵە و ئێوارەی ئەمڕۆ بەمەبەستی مەلەکردن چووە بۆ مەلەوانگەیەکی قەزاکە و لەکاتی مەلەکردندا خنکاوە".

ئەوەشی خستەروو: لەئێستادا پۆلیسی کفری دەستی بەلێکۆڵینەوە کردووە و بەبڕیاری دادوەر و بەپێی مادەی 411 دوو کەس دەستگیرکراون کە سەرپەرشتی مەلەوانگەکە دەکەن و لێکۆڵینەوەش لەسەر چۆنێتی و هۆکاری خنکانەکەی بەردەوامە.

 

پ: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure