وردەکاری شەڕەکەی حەشد و پۆلیسی ئیتیحادی لە داقوق

هەواڵ / کوردستان :: 18/07/2019‌ :: 566‌ جار بینراوە

دواڕۆژ، عیماد جەباری

لەقەزای داقوق شەڕ لەنێوان هێزێکی پۆلیسی ئیتیحادی و گروپێکی حەشد دروستبووە و بەهۆیەوە چەکدارێک برینداربووە.


ئیدریس حاجی عادل، جێگری مەڵبەندی کەرکوکی یەکێتی (ئەمشەو پێنجشەممە 18ی تەمووزی 2019) بەدواڕۆژی راگەیاند: شەڕەکە بەهۆی راگرتنی ئۆتۆمبێلێکەوە دروستبووە لەناو بازاڕی قەزای داقوق کە ئامادەنەبووە پابەندبێت بەرێنماییەکانی پۆلیسی ئیتیحادیەوە بۆ لابردنی ئۆتۆمبێلەکەی و هێزەکەش هاووڵاتیەکەیان دارکاری کردووە.

وتیشی: "کوڕێکی ئەو هاووڵاتیە چەکداری گروپێکی حەشدی شەعبیە لەسنورەکە و وەکو کاردانەوە پەلاماری پۆلیسی ئیتیحادی داوە و شەڕ لەنێوانیان دروستبووە و بەهۆیەوە چەکدارەکەی حەشد برینداربووە".

بەوتەی ئەو بەرپرسەی یەکێتی، باوک و کوڕەکە کە تورکمانی شیعەن بەبرینداری لەنەخۆشخانەی داقوقن و دۆخەکەش هێوربووەتەوە.

پ: ن.ر
  بڵاوكردنه‌وه‌:هـ.ق




  • ڕۆژ
  • هەفتە
  • مانگ
created by Avesta Group and powered by Microsoft Azure