دبوویەرەکا ھاتن وچوونێدا کچەکا تەمەن ١٠ ساڵ ژیانا خوە ژدەستدا

هەواڵ / کوردستان :: 18/07/2019‌ :: 130‌ جار بینراوە

دواڕۆژ، رەڤەند گوھەرزی

ب سەدەمێ بوویەرەکا ھاتن و چوونێ (ئەڤرۆ پێنج شەمب ١٨-٠ی تەمۆزا ٢٠١٩) ل قەزا ئامێدیێ، زاروکەکا تەمەن ١٠ ل بەر دەریێ ماڵا خوە ژیانا خوە ژدەستدا.


موقدەم ئازاد تاھا، رێڤەبەرێ راگەھاندنا رێڤەبەریا گشتی یا ھاتن و چوونا پارێزگەھا دھۆکێ بۆ دواڕۆژ گۆت ئەڤرۆ بوویەرەکا ھاتن وچوونێ ل قەزا ئامێدیێ رویدا کو ترۆمبێلەکا ڤەگوھاستنا غازێ کچەکێ دکەتە قوربانی".

گۆت ژی: "ئەو ترۆمبێلە کارێ وێ ڤەگوھاستنا غازێ بۆ مالان بوویە و ئەڤرۆ بەری نیڤرۆ دەما مالەکێ داخازا وەرگرتنا غازێ کری و ترۆمبێل چوویە بەر دەرگەھێ ئەوێ مالێ، ژ نشکەکێ ڤە کچەک بناڤێ (ش.ھـ.م) د ژیێ ١٠ سالیێ دا خو نێزیکی ترۆمبیلێ کریە و شوفێری ئەو کچە نەدیتیە و ترۆمبێل سەر وێ کچێ را دەرباز دبیت".

دیارکر ژی وێ کچێ ھەر ل جھێ رویدانێ ژیانا خوە ژ دەستدا و تەرمێ ھاتە رەوانەکر بۆ پزیشکیا داد ل نەخۆشخانا ئامێدیێ".

رێڤەبەرێ راگەھاندنا رێڤەبەریا گشتی یا ھاتن و چوونا پارێزگەھا دھۆکێ راگەھاند ژی پشتی روویدانێ شوفێرێ ترۆمبێلا غازێ ھاتیە دەستەسەرکرن و رویدان ب شێوەیێ قەزا و قەدەر بویە لێ ڤەکولین دێ یا بەردەوام بیت".

پ: ک. س
  بڵاوكردنه‌وه‌:هـ.ق




  • ڕۆژ
  • هەفتە
  • مانگ
created by Avesta Group and powered by Microsoft Azure