پشتى 5 سالان زارۆیه‌كێ ئێزدى ژده‌ست داعش هاته‌ رزگاركرن

هەواڵ / کوردستان :: 18/07/2019‌ :: 238‌ جار بینراوە

دواڕۆژ، بورهان یه‌حیا

نڤیسینگه‌ها رزگاركرنا ره‌ڤاندیێن ئێزدى یێن ده‌ستێ داعش راگه‌هاند؛ زارۆیه‌كێ ئێزدى یێ 11 سالى پشتى 5 سالێن ره‌ڤاندنێ ژ سووریا ژ ده‌ست داعش هاته‌ رزگاركرن.

حسین قائێدى رێڤه‌به‌رێ  نڤیسینگه‌ها رزگاركرنا ره‌ڤاندیێن ئێزدى یێن ده‌ستێ بۆ دواڕۆژ دیاركر: "ئه‌ڤرۆ پێنجشه‌مب 18 ته‌مووز 2019 زارۆیه‌كێ ئێزدى یێ 11 سالى ب ناڤێ (هۆكار) خه‌لكێ گوندێ تل قه‌سب كو پێشتر دگه‌ل خێزانا خۆ ل شنگال هاتبوو ره‌ڤاندن ژده‌ست داعش هاته‌ رزگاركرن كو پێشتر سه‌ر شێوازێ شه‌ركرنێ ل سووریا هاتبوو راهێنان".

دیاركر: "پێشتر ئه‌ڤ زارۆیه‌ د پارچه‌ ڤیدیۆیه‌كێ دا ل باژێڕێ ئێدلب ل سووریا ده‌ركه‌فتبوو و پشتى كۆمكرنا پێزانینێن زۆر جهێ وى دهێته‌ دیاركرن و مامێ وى ب ناڤێ (حسین) بۆ سووریا دهێته‌ هنارتن بۆ هندێ زارۆى وه‌ربگریت".

ئاماژه‌كر: "پشتى زارۆ ژ سووریا هاتییه‌ وه‌رگرتن به‌ره‌ڤ توركیا چۆ و ئه‌ڤرۆ گه‌هشته‌ هه‌رێما كوردستانێ و ب خێزانا خۆ شاد بوو".



  • ڕۆژ
  • هەفتە
  • مانگ
created by Avesta Group and powered by Microsoft Azure