نەتەوە یەکگرتووەکان لەسەر هێرشەکەی هەولێر پەیامێکی بڵاوکردەوە

هەواڵ / جیهان :: 18/07/2019‌ :: 246‌ جار بینراوە

دواڕۆژ

(دوێنێ 17ی تەمموزی 2019) جینین هینیس بلاسخارت، نوێنەری تایبەتی نەتەوە یەکگرتووەکان لە عێراق، لەسەر رووداوی هێرشە چەکدارییەکەی هەولێر راگەیاندراوێکی بڵاوکردەوە.

لە راگەیاندراوەکەدا هاتووە: "کوشتنی دیپلۆماتکارە تورکییەکە و هاووڵاتیانی مەدەنی لە هێرشە چەکدارییەکەی هەولێردا سەرکۆنە دەکەین و دەبێت دان بەخۆداگرتن هەبێت و هەوڵەکانی دەسەڵات چڕبکرێنەوە بۆ ئەنجامدانی لێکۆڵینەوەیەکی ورد و دەستگیرکردنی بکەرانی هێرشەکە".
 
باس لەوەشکراوە: کە نابێت هیچ پاساوێک بۆ ئەو هێرشە دڕندانەیە بهێنرێتەوە و پێویستە بە توندی سەرکۆنە بکرێت.

ئاماژەی بەوەشکردووە: کە پرسە و سەرەخۆشی خۆی بۆ قوربانییەکان دەنێرێت و هیوای زوو چاکبوونەوەش بۆ بریندارەکان دەخوازێت.

ئا: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure