ناوه‌ڕۆكی كۆبوونه‌وه‌ی حیزبە کوردستانییەکانی کەرکوک ئاشكراده‌كرێت

هەواڵ / کوردستان :: 16/07/2019‌ :: 223‌ جار بینراوە

دواڕۆژ، عیماد جەباری

ئەمڕۆ سێشەممە 16ی تەمموز، لێپرسراوانی پەیوەندییەکانی حیزب و لایەنە کوردستانییەکانی کەرکوک لەبارەگای مەڵبەندی کەرکوکی یەکێتی کۆبوونەوە.

دوای كۆبوونه‌وه‌كه‌ له‌ راگەیاندراوێکدا سەبارەت بەناوەڕۆکی کۆبوونەوەکەیان تێیدا جه‌ختیان لە یەکڕیزی و تەبایی حیزبە کوردستانییەکان كرده‌وه‌ لەکەرکوک، جەختشیان لەسەر شەش خاڵ کردووەتەوە کە بریتین لە:

1- لەهەڵبژاردنی 2020 یەکدەنگبن و هەموو حیزبەکان هەوڵی یه‌ك لیستیی بدەن.

2- کار لەسەر ئەوە بکرێت لەراگەیاندنەوە هەوڵی یەکڕیزی و تەبایی بدەن.

3- گرنگی بدرێت بە سیستمی بایۆمەتری و لەهەر شوێنێک کێشە هەبێت بەهەماهەنگی لەگەڵ یەکتر چارەسەری بکەن.

4- کۆبوونەوەی لێپرسراوی یەکەمی حیزبەکان بەردەوام بێت بەئامادەبوونی پەرلەمانتارانی کەرکوک.

5- ئیدانەی ئەو دەنگە نەشازانە ده‌كه‌ن کە دروشمی سەدام بەرزدەکەنەوەو هەوڵده‌ده‌ن سزا بدرێن.

6- داواکارین پەلە بکرێت لەدانانی پارێزگاری کەرکوک بەپێی ماددە دەستوری و یاساییەکان.

پێداچوونه‌وه‌: ئیحسانی مه‌لا فوئاد

بڵاوکردنەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure