گه‌نمێ ئه‌ڤ ساله‌ 70% پله‌ ئێكه‌

هەواڵ / ئابوری :: 16/07/2019‌ :: 108‌ جار بینراوە

دواڕۆژ، بورهان یه‌حیا

ئه‌ڤ ساله‌ ل سنۆرێ پارێزگه‌ها دهۆك 397 هزار ته‌نێن گه‌نمى هاتینه‌ به‌رهه‌مئینان و 70% ژێ پله‌ ئێكه‌.


رێڤه‌به‌رێ كۆمپانییا به‌رهه‌مئینانا دان و دكاكێ ل پارێزگه‌ها دهۆك نازم محه‌مه‌د بۆ دواڕۆژ دیاركر: "وه‌زاره‌تا بازرگانییا ئیراقێ بڕیار دایه‌ 112 هزار ته‌نێن گه‌نمى ژ پارێزگه‌ها دهۆك وه‌ربگریت و ژ 13/6 كو وه‌رگرتنا گه‌نمى ده‌ستپێكربوو و هه‌تا نوكه‌ ل سنۆرێ پارێزگه‌هێ ل هه‌ر سێ سایلۆیان 68 هزار ته‌ن هاتینه‌ وه‌رگرتن كو 70% ژوان پله‌ ئێكه‌ ب ڤى ره‌نگى كو (سایلۆیا فه‌یدیێ 22800 ته‌ن و سایلۆیا زاخۆ 17200 ته‌ن و سایلۆیا شێخان 28500)". 

دیاركر: "ب گۆره‌ى ئامارێن رێڤه‌به‌رییا گشتییا چاندنێ ل پارێزگه‌ها دهۆك كو راده‌ستى وه‌زاره‌تێ كرینه‌ ئه‌ڤ ساله‌ ل سنۆرێ پارێزگه‌هێ 397 هزار ته‌ن هاتینه‌ به‌رهه‌مئینان و به‌غدا ب تنێ دێ 112 هزار ته‌نان وه‌رگریت و ب ڤى ره‌نگى دێ 285 هزار ته‌ن گه‌نم دێ مینه‌ف خه‌لكى و نه‌چارن ب نیڤ بها بفرۆشنه‌ بازرگانێن ئه‌ره‌ب".

خویاكر: "ل سنۆرێ پارێزگه‌ها دهۆك ل هه‌ر سێ سایلۆیێن شێخان، فه‌یدیێ و زاخۆ پرۆسه‌یا وه‌رگرتنا گه‌نمى برێڤه‌ دچیت و چه‌ندین بنگه‌هـ ژى بۆ ڤێ مه‌ره‌مێ هاتینه‌ به‌رهه‌ڤكرن لێ چونكو به‌هرا دهۆك ب تنێ 112 هزار ته‌نێن كار ب ڤان بنگه‌هان ناهێته‌كرن و سایلۆ بتنێ تێرا هندێ دكه‌ن".

 

بڵاوكردنه‌وه‌:هـ.ق

 



created by Avesta Group and powered by Microsoft Azure