باڵیۆزى بەحرەین لەعێراق دەستى بەکارەکانى کردەوە

هەواڵ / عێراق :: 15/07/2019‌ :: 107‌ جار بینراوە

دواڕۆژ

(دوێنێ یەکشەممە 14ى تەمموزى 2019) بەرهەم ساڵح، سەرۆک کۆماری عێراق چاوى بە سەڵاح ئەلمالکى، باڵیۆزى بەحرەین لەعێراق کەوت و سوپاس و پێزانینى خۆى بۆ حەمەد بن عیسا ئال خەلیفە پاشاى بەحرەین راگەیاند کە دواى هێرشکردنە سەر باڵیۆزى وڵاتەکەى لە عێراق هەوڵیداوە دۆخەکە ئاسایی بکاتەوە و دووبارە دەست بەکارەکانیان بکەنەوە.


لاى خۆشیەوە ئەلمالکى سڵاوى پادشاى بەحرەینى بە سەرۆک کۆمارى عێراق راگەیاند و هیواى سەرکەوتنى بۆ خواست و داواى کرد کە هەمیشە پەیوەندییەکانى نێوان هەردوو وڵات لە ئاستێکى باش و بەرزدا بمێنێتەوە.

ئەمەش لەکاتێکدایە کە لە 27ى حوزەیرانى مانگى رابوردوودا، بەدەیان چەکدارى سەر بە کەتائیبى حیزبوڵاى نزیک لە ئێران هێرشێکیان کردبووە سەر باڵیۆزخانەى بەحرەین لە بەغداى پایتەخت و بەڵام لەلایەن هێزە ئەمنییەکانەوە دۆخەکە کۆنترۆڵ کرابوو، بەهۆى ئەو هێرشەوە پەیوەندییەکانى نێوان هەردوو وڵات ساردی تێکەوتبوو و لە ئێستادا باڵیۆزى بەحرەین لە بەغدا دەستی بەکارەکانى کردووەتەوە.

وە: ئاکۆ زەنگەنە



created by Avesta Group and powered by Microsoft Azure

بەپەلە