له‌ ناوچه‌یه‌كى هه‌رێم ئامارەکانی سوتان هەزارەها هێندە زیادیان کردووه

هەواڵ / کوردستان :: 14/07/2019‌ :: 317‌ جار بینراوە

دواڕۆژ، بەختیار شەریف

بەراورد بە شه‌ش مانگی سەرەتای ساڵی رابوردوو ئامارەکانی سووتانی پوش و پاوان و لەوەڕگا لە ناحیەی ئاغجەلەر هەزارەها هێندە زیادیانکردووە.


هێمن بەهجەت، بەڕێوەبەری ناحیەی ئاغجەلەر نیوەڕۆی (ئەمڕۆ یەکشمەممە 14ی تەمموزى 2019) لە کۆنگرەیەکی رۆژنامەوانیدا ئامارەکانی بنکەی بەرگری شارستانی ناحیەکەی خستەڕوو و رایگەیاند: بەراورد بە شه‌ش مانگی سەرەتای ساڵی رابردوو، ئامارەکان هەزارەها هێندە زیادیان کردووە.

وتیشى: "تەنها لە شه‌ش مانگی یەکەمی ئەمساڵدا زیاتر لە پێنج هەزار دۆنم پووش و پاوان و لەوەڕگا و دارستان و دەغڵودانی هاووڵاتیانی سنوورەکە سووتاون، لەکاتێکدا لە شه‌ش مانگی یەکەمی ساڵی 2018 تەنها 33 دۆنم پووش و پاوان سووتان لەگەڵ شه‌ش رووداوی هاتووچۆ و سووتانى چەند ماڵێک".

ئه‌وه‌شى وت: "گومانمان هەیە ئاگرەکانی ئەمساڵ بەدەستی ئەنقەست بوبێت، بۆیه‌ لیژنەمان بۆ پێکهێناوە و رەوانەی دادگایشی دەکەین، بەڵام تائێستا کەس بەو تۆمەتانە دەستگیرنەکراوە".

سەبارەت بە ئامارەکانی دیکەی سنوورەکە بەڕێوەبەری ناحیەی ئاغجەلەر ئه‌وه‌ى خسته‌ڕوو: بەهۆی زۆری باران بارین و لافاوەوە لە مانگی ئازاری ئەمساڵدا 17 ماڵ زیانمەندبوون و 40 ماڵیش ئاو چووە ماڵیان.

راشیگەیاند: لەمساڵدا تەنها یەک حاڵەتی خنکانمان هەیە لە ئاوی زێی بچوک لەگوندی  گۆپتەپە.

پێداچونه‌وه‌: شیروان شه‌ریف

بڵاوکردنەوە: ک. س



created by Avesta Group and powered by Microsoft Azure