زاخۆ: مه‌ترسییا هه‌رفتنێ لسه‌ر جهه‌كێ شوونوارییه‌

هەواڵ / که‌لتور :: 14/07/2019‌ :: 119‌ جار بینراوە

دواڕۆژ، دهۆك

بازارێ كه‌ڤن یێ زاخۆ، كه‌ڤتییه‌ ژێر مه‌ترسییا هه‌رفتنێ، تانوكه،‌ رێڤه‌به‌ریا شوونواران ل وێ قه‌زایێ نه‌شییایه‌ ڤى بازارى ب پارێزیت.

محه‌مه‌د ئه‌حمه‌د، رێڤه‌به‌رێ شوونوارێن زاخۆ، بۆ دواڕۆژ گۆت: "دیرۆكا چێكرنا بازارێ زاخۆ یێ شوونوارى ڤه‌دگه‌ریته‌ به‌رى 150 سالان، دكه‌ڤیته‌ ته‌نشت قشالا زاخۆ، هه‌ر ژ سالا1980-ێ تا نوكه‌، مایه‌ بێ سه‌خبێرى و نوكه‌ مه‌ترسییا هه‌رفتنێ لسه‌ره‌".

ناڤبۆرى دازانین: "هه‌تا نوكه‌ رێڤه‌به‌ریا وان پتر ژ 50 نڤیساران لدۆر پاراستنا ڤى بازارى گه‌هاندینه‌ ده‌سته‌یا گه‌شتوگۆزارێ و وه‌زاره‌تا باژێرڤانیێ، لێ چو ئالیه‌كى به‌رپرسیاره‌تیا پاراستنا ڤى جهى نه‌هه‌لگرتییه‌".

رێڤه‌به‌رێ شوونوارێن زاخۆ زه‌لالكر: "دوماهیك هه‌ولدانا وان بۆ پاراستنا بازارێ كه‌ڤن یێ زاخۆ ئه‌ڤه‌یه‌؛ داخواز ژ باژێرڤانیا زاخۆ كریه‌ پاره‌چه‌ ئه‌رده‌كى بده‌ن خۆدانێ ڤى بازارى و ئه‌و بازار ببیته‌ مۆلكێ حكومه‌تێ دا رێڤه‌به‌ریا وان بشێت نووژه‌ن بكه‌ت".

ناڤبۆرى ئینازمان: "ئه‌گه‌ر دوو سالێن بهێت ئه‌ڤ بازاره‌ نه‌هێته‌ نووژه‌نكرن و پاراستن، دێ به‌شكێ مه‌زن ژێ هه‌رفیت، لێ ئه‌گه‌ر بهێته‌ سه‌خبێركرن دێ بیته‌ جهه‌كێ گه‌شتییارى و گه‌له‌ك گه‌شتییار دێ سه‌ره‌دانا ڤى جهى كه‌ن".

لدووڤ زانیاریێن دواڕۆژ بازارێ كه‌ڤن یێ زاخۆ، یێ بنه‌ماله‌كا ناڤدار یا زاخۆیه‌ كو دهێته‌ ناسكرن ب (یوسف ئاغا).

 

پ: چ.ع

بڵاوکردنەوە: ک. س



created by Avesta Group and powered by Microsoft Azure