به‌شه‌ك ژ ئاڤێن دهۆك دبنه‌ ئه‌گه‌رێ تووشبوون ب نه‌خۆشیێن گران

هەواڵ / کوردستان :: 6 رۆژ پێش ئێستا‌ :: 162‌ جار بینراوە

تاگ :: دهۆك

دواڕۆژ، بورهان یه‌حیا


رێڤه‌به‌رییا فه‌رمانگه‌ها ژینگه‌ها دهۆك راگه‌هاند؛ به‌شه‌ك ژ ئاڤا سنۆرێ پارێزگه‌ها دهۆك تۆخمێن گران تێدا هه‌نه‌ و دبنه‌ ئه‌گه‌رێ تووشبوون ب نه‌خۆشیێن گران وه‌كو په‌نجه‌شێرێ.

محه‌مه‌د تاهر رێڤه‌به‌رێ فه‌رمانگه‌ها ژینگه‌ها دهۆك بۆ دواڕۆژ دیاركر" تاقیگه‌ها رێڤه‌به‌ریێ 550 جۆر نموونه‌یێن ئاڤێ یێن رووبار، كانى و بیرێن سنۆرێ پارێزگه‌هێ كۆم كربوون و تاقیكرن ل سه‌ر هاتینه‌كرن و پێشتر ژى ل سالا 2014ێ هه‌ر ئه‌ڤ تاقیكرنه‌ هاتبووكرن و تێدا دیار بوویه‌ كو به‌شه‌ك ژ ئاڤا ڤان جهان تۆخمێن گران تێدا هه‌نه‌ و دبنه‌ ئه‌گه‌رێ تووشبوونا وه‌لاتییان ب نه‌خۆشیێن گران وه‌كو په‌نجه‌شێرێ".

دیاركر"  هه‌موو لایه‌نێن په‌یوه‌ندیدار ل سه‌ر ڤى بابه‌تى هاتینه‌ ئاگه‌هداركرن بۆ هندێ ل ده‌مێ ئاڤا ڤه‌خوارنێ بۆ هه‌موو ده‌ڤه‌رداریێن دهۆك دابین دكه‌ن هوشیارى وان جهان بن كو تۆخمێن گران لێ هه‌نه‌".

رێڤه‌به‌رێ ژینگه‌هێ دیاركر" ئه‌ڤ تاقیكرنه‌ ب تنێ ل فه‌رمانگه‌ها ژینگه‌ها دهۆك دهێته‌كرن و هه‌ر چه‌ند سالان جاره‌كێ دووباره‌ دبیت بۆ هندێ مه‌ترسیێن د ناڤ ئاڤا ڤه‌خوارنێ دا په‌یدا دبن بهێنه‌ ده‌ستنیشانكرن و لایه‌نێن په‌یوه‌ندار ژى ل سه‌ر بابه‌تى بهێنه‌ ئاگه‌هداركرن".



  • ڕۆژ
  • هەفتە
  • مانگ
created by Avesta Group and powered by Microsoft Azure