چۆن سەركەوتوو دەبیت؟

هەواڵ / که‌لتور :: 7 رۆژ پێش ئێستا‌ :: 352‌ جار بینراوە

دواڕۆژ، رێبین حەسەن 

پێشنیوەڕۆی (ئەمڕۆ پێنجشەممە 11ی تەمموزی 2019) كتێبخانەی گشتی پێنجوێن، بەهاوبەشی لەگەڵ گروپی گزنگی قەڵای پێنجوێن، سیمینارێكیان لە هۆڵی كۆبوونەوەكانی كتێبخانە رێكخست.


سیمینارەكە بەناونیشانی (چۆن خوێندكاری نوێ خۆی ئامادەبكات، بۆ قۆناغی 12 و سەركەوتوو بیت) كه‌ بۆ د. بەختیار كەمال تاڵەبانی، رێكخرابوو.

قاسم ئەحمەد، ئەندامی گروپی گزنگی قەڵای پێنجوێن بە دواڕۆژی وت: مەبەست لەم سیمینارە زیاتر هاندانی خوێندكارانی قۆناغی 11 و 12ی ئامادەییە، واتە ئەوانەی تازە دەچنە قۆناغی 12، بۆئەوەی بەرنامەڕێژیی خۆیان بكەن و ئامانجمان ئەوەبوو كە هەر لەئێستاوە بەباشترین شێوە خۆیان ئامادەبكەن و سوود لە پشووی هاوین وەربگرن، چونكە قۆناغی 12ی ئامادەیی قۆناغێكی هەستیار و چارەنووسسازە و داهاتووی هەر خونێدكارێكی لەسەرە.

هاوكات بەختیار كەمال تاڵەبانی، پسپۆڕی بواری گەشەپێدانی توانا مرۆییەكان و مامۆستای زانكۆ، بۆ دواڕۆژ وتی: "ئەمڕۆ بەوردی تیشكمان خستەسەر رێگاكان و شێوازەكانی سەركەوتنی خوێندكاران و جەختمان لەوەشكردەوە كە لەم سەردەمەدا پێویستە خوێندكار بەهۆی زاڵبوونی تەكنەلۆژیا و تۆڕە كۆمەڵایەتیەكانەوە زۆر وریای بواری خوێندن بن، تاپێیان بكرێت دەبێت سوود لە كاتەكانیان وەربگرن بۆ ئەوەی رەنج و ماندووبوونی چەند ساڵیان، كە پشتی بە قۆناغی 12ی ئامادەیی بەستووە، بەهەدەرنەڕوات و دڵی خۆیان و كەسوكاریان ئاسوودە و خۆش بكەن، لە رێگەى گەیشتن بە كلیلی سەركەوتن و كردنەوەی دەرگای داهاتووی قۆناغەكانی ژیانیان".



  • ڕۆژ
  • هەفتە
  • مانگ
created by Avesta Group and powered by Microsoft Azure