مۆله‌تا ترومبێلێن فرۆتنا ماسییان هاتنه‌ هه‌لوه‌شاندن

هەواڵ / کوردستان :: 7 رۆژ پێش ئێستا‌ :: 222‌ جار بینراوە

دواڕۆژ، بورهان یه‌حیا


لژنه‌یا بلندا ساخله‌مییا گشتی ل پارێزگه‌ها دهۆك بڕیار دا هه‌موو مۆله‌تێن ترومبێلێن فرۆتنا ماسییان بهێته‌ هه‌لوه‌شاندن.


ئه‌ڤراز ره‌شید به‌رپرسێ راگه‌هاندنا ده‌ڤه‌ردارییا دهۆك بۆ دواڕۆژ دیاركر" لژنه‌یا بلند یا ساخلەمییا گشتی ل پارێزگەھا دھۆک بڕیار دا ھەموو مۆلەتێن ترۆمبێلێن ماسیان د فرۆشن بھێنە ھەلوەشاندن، ھەروەسا ب چو رەنگەکی نابیت مۆله‌ت ب فرۆتنا گوشتێ جەمەدگرتی، ژبلی یێ بەرازیلی بھێتەدان و پێدڤیە دووڤچوونا بۆریێن شکەستی یێن ئاڤێ ژی بھێتە کرن".

ئاماژه‌كر" پشتی زێرەڤانییا بازاڕی ھاتییە به‌رفره‌هكرن و گڤاشتن، رەوش بەر ب باشتر چۆیە و ئارمانج ئەوە خرابیان کێم ببن و باشی زێدەتر لێ بهێن و دگه‌ل هندێ لژنه‌یێ تەوەرێن خۆپاراستن ژ نەخۆشیێن ھاڤینێ، ئامارێن مه‌هێن بۆری، چاوانیا پاراستنا ژینگەھێ و چاندن و ڤێتەرنەریێ و رەوشا مەلەڤانگەھان ژی به‌حس كرییه‌".

ئه‌ڤراز ره‌شید دیاركر" ژ نها پێدا هه‌ر ترومبێله‌كا بهێته‌ دیتن كو ماسییان دفرۆشیت ئێكسه‌ر دێ پێرابوونێن یاسایی هه‌مبه‌ر هێنه‌ وه‌رگرتن و دڤێت ئه‌و دیارده‌ ب دووماهی بهێت".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure