دوو پەرتۆک ل سەر کارەساتا شنگالێ دھێنە ئیمزاکرن

هەواڵ / که‌لتور :: 7 رۆژ پێش ئێستا‌ :: 128‌ جار بینراوە

دواڕۆژ، رەەند گوھەرزی

ئەڤرۆ دوو پەرتۆک ل پەرتۆکخانا بەدرخانیان ل پارێزگەھا دھۆکێ ھاتنە ئیمزاکرن، ناڤەروکا وان ل سەر گرتن و رەڤاندنا ژن و کچێن ئێزدی بوویە ل دەستپێکا کارەساتا شنگالێ .


حسێن حاجی باعەدری، نڤیسەر و چاڵاکڤانێ ئێزدی بۆ دواڕۆژ راگەھاند:" ئەڤرۆ چوار شەمب ئەم شیایین دوو پەرتۆکان ل پەۆترکخانا بەدرخانیان ل باژێرێ دھۆکێ ئیمزا بکەین و بێخینە بەردەستێ خویندەڤانان ".

گۆتژی:" پەرتۆکا "خەونێن خەنقاندی" ل سەر ماڵباتەکا ئێزدیە کو حەفت کەس ل ساڵا ٢٠١٤ ژلایێ چەکدارێن داعش ھاتبوونە رەڤاندن، چوار ژوان ھاتبوونە رزگارکران و سێ کەس دبێسەروشوێنن".

دیارکر ژی:" دبەشەکێ وێ پەرتۆکێدا ھاتیە ژنەکا ئێزدی ل ٨\٨\٢٠١٤ ل گوندێ وەردیە ل شنگالێ دھێتە گرتن، ئێکەم چەکدارێ داعش ئەو ژنە گرتی، چەکدارەکێ عێراقی بووخەلکێ موسڵ بو وێ ژنا ئێزدی دبەتە سوریا دفڕۆشیت و دوی ماوەیدا چوار جاران کرین و فڕۆتن پێ دھێتە کرن".

حسێن دازانین:" پەرتۆتۆکا (سەرخە ئیمان) ل سەر کچەکا ئێزدی بوو کو تەمەنێ وێ ٩ ساڵ بوون دەمێ ژلایێ داعش ھاتیە رەڤاندن و ل باژێرێ موسڵ دەستدرێژی کریە سەر، پشتی زێدەتر سێ ساڵان ھاتە رزگارکرن و زمانێ دەیکێ ژبیرکربوو فێری زمانێ تورکی و عەرەبی ببوو".

ئەو ژی کۆت:" دتەمەنێ نەھـ ساڵیێدا چەکدارەکێ داعش کو تەمەنێ وی ٥٠ ساڵ بوون ل باژێرێ موسڵ دەستدرێژیا سکسی دکەتە سەر وێ کچێ ".

حسێن حاجی باعەدری، نڤێسەر و چاڵاکڤانێ ئێزدی، تانوکە چوار پەرتۆک ل سەر وان کارەساتێن ب سەر گەلێ ئێزدیدا ھاتی ل ساڵا ٢٠١٤ نڤیساندنە و سێ ژوان پەرتۆکان ھاتیە ئیمزاکرن و ئێک ژی ئامادەیە بوو چاپکرنێ.

 

 



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە