بۆمبێک بە دوو چەکداردا تەقییەوە

هەواڵ / کوردستان :: پێش 1 هەفتە ‌ :: 1720‌ جار بینراوە

دواڕۆژ، عیماد جەباری

لەسەنتەری شاری کەرکوک بۆمبێک بە دوو چەکداردا تەقییەوە کە دەیانویست بەمەبەستی ئەنجامدانی کردەوەی "تیرۆریستی" بەکاریبهێنن.


سەرچاوەیەک لە پۆلیسی کەرکوک (ئەمشەو چوارشەممە 10ی تەمموزی 2019) بەدواڕۆژی راگەیاند: کەمێک بەر لەئێستا لە گەڕەکی 1ی حوزەیران نزیک پردی کۆبانێ بۆمبێکی دروستکراوی ناوخۆیی بەر لەچاندنی بەو چەکدارانەدا تەقیوەتەوە کە ویستوویانە لەڕێگەی چاندنییەوە پەلاماری "تیرۆریستی" ئەنجامبدەن.

وتیشی: "چەکدارەکان دوو کەس بوون و ماتۆڕسکیلیان پێبووە، بەهۆی تەقینەوەکەش کە لەباوشیاندا تەقیوەتەوە گیانیان لەدەستداوە و تەرمەکەشیان پارچە پارچە بووە، بەشێوەیەک کە ناناسرێنەوە".

پ: ن.ر
بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure