زانیاری دەربارەی دۆخی ژنە زیندانییەکانی عێراق

هەواڵ / عێراق :: 10/07/2019‌ :: 203‌ جار بینراوە

تاگ :: عێراق

دواڕۆژ

سەرچاوەیەکی ئەمنی ژمارە و دۆخی ئەو ژنانەی ئاشکراکرد کە لە زیندانەکانی عێراقدان و ئاماژەی بەوەدا چەند رێنماییەکیان بۆ چاکسازیکردن لە ناوەندەکانی دەستگیرکردن بۆ هاتووە.

بەپێی سەرچاوەکە: "سەروو 800 ژن لەگەڵ منداڵەکانیان لە بنکەی تایبەت زیندانین، هەندێکیان تاوانەکانیان دەگاتە لەسێدارەدان یان زیندانی هەتاهەتایی، هەندێکی دیکەشیان هیچ تاوانێکیان لەسەر نیە تەنیا ئەوە نەبێت لەگەڵ هاوسەرەکانیان هاتوونەتە عێراق بۆ ئەوەی وەڵامی (بانگەشەی خەلافەت) بدەنەوە، زۆربەی ئەم ژنانە ئێستاش دەستگیرکراون لەبەر ئەوەی دەوڵەتەکانیان رازی نین وەریانبگرنەوە".

وتیشی: "حکومەتی عێراق چەند رێنماییەکی بۆ ئەنجامدانی چاکسازی لە ناوەندەکانی دەستگیرکردن دەرکردووە، ئەمەش پاش ئەوەی رێکخراوە نێودەوڵەتییەکان زیندانەکانیان لە بارودۆخێکی خراپدا بینی". 

ئەوەشی وت: "چەندین رێکخراو هەوڵدەدەن فشار بخەنە سەر حکومەتی عێراقی بۆ ئەوەی دووبارە بە بڕیاری دادگایی هەندێک لەم ژنانەدا بچنەوە کە سزای لە سێدارەدانیان بۆ دەرچووە چونکە منداڵی شیرەخۆرەیان هەیە".

رۆژی پێنجشەممەی پێشوو رێکخراوی (هیومان ڕایتس وۆچ) ئاماژەی بەوەدا: ناوەندەکانی دەستگیرکردن لە نەینەوا پڕبووە و هەزاران زیندانیکراوی عێراقی بۆ ماوەیەکی دوور و درێژ لە بارودۆخی شەرمەزارکەر و نامرۆڤانەدا بەندکراون.

وەرگێڕان:هێڤی فەرهاد



  • ڕۆژ
  • هەفتە
  • مانگ
created by Avesta Group and powered by Microsoft Azure