زاڕۆیێن ژ ده‌ست داعش رزگاربووین دێ پاره‌یان وه‌رگرن

هەواڵ / کوردستان :: 08/07/2019‌ :: 183‌ جار بینراوە

تاگ :: شەنگال

دواڕۆژ، دهۆك

وه‌زیرێ كۆچوكۆچبه‌رێن ئیراقێ، بڕیردایه كۆژمێ دوو ملیون دیناران بده‌ت هه‌ر زاڕۆیه‌كێ ئێزدى یێ ژ ده‌ستێن داعش رزگاربوویى.

حسێن قائیدى، به‌رپرسێ نڤێسینگه‌ها رزگاركرنا ره‌ڤاندیێن ئێزدییان ل دهۆك بۆ دواڕۆژ گۆت:"ڤێ مه‌هێ، ل باژارێ كه‌ربه‌لا، ده‌مێ سه‌ره‌دانا نه‌وفه‌ل به‌ها‌و موسا، وه‌زیرێ كۆچوكۆچبه‌رێن ئیراقێ كرى، وه‌زیرى سۆزدا هه‌ر زاڕۆیه‌كێ ئێزدى یێ ژ ده‌ست داعش رزگاربوویى دوو ملیون دینارێن ئیراقى بده‌نێ".

ناڤبۆرى خوه‌یاكر:"وه‌زیرى سۆزدا پشتى دابه‌شكرنا پاران لسه‌ر وان ژنێن ئێزدی یێن ژ ده‌ست داعش رزگاربووین ب دوماهیك دهینن، دێ ده‌ست ب دابه‌شكرنا پاران لسه‌ر زاڕۆیان ژى كه‌ن".

قائیدى زه‌لالكر:"نوكه‌، نێزیكى 2000 زاڕۆیێن ئێزدییان ژ ده‌ست داعش رزگاربووینه‌ كو سالا 2014-ێ كه‌ڤتبوون ده‌ستێن داعش".

رۆژا 7-ێ نیسانا ئه‌ڤ ساله‌، سه‌رۆكاتییا كۆمارا ئیراقێ پرۆژه‌ یاسایه‌ك تایبه‌ت ب ژنێن ئێزدى یێن ژ ده‌ست داعش رزگاربووین، شاند په‌رله‌مانێ ئیراقێ دا ئه‌و ژن بهێن قه‌ره‌بووكرن.

پێداچوونه‌وه‌: ئیحسانی مه‌لا فوئاد

بڵاوکردنەوە: ک. س



created by Avesta Group and powered by Microsoft Azure