بۆ یه‌كه‌مجار به‌شى زمانى چینى له‌ كوردستان ده‌كرێته‌وه‌

هەواڵ / کوردستانی :: 07/07/2019‌ :: 251‌ جار بینراوە

دواڕۆژ، عیسا عه‌بدولقه‌هار


بۆ یه‌كه‌مجار له‌سه‌ر ئاستى كوردستان و عێراق، ئه‌مساڵ به‌شى زمانى چینى له‌ زانكۆى سه‌ڵاحه‌ددین له‌ هه‌ولێر ده‌كرێته‌وه‌.

ئەحمەد دزەیی، سەرۆکی زانکۆی سەڵاحەددین به‌ دواڕۆژى راگه‌یاند: "لەگەڵ کونسڵخانەی کۆماری چین پێکەوە كارده‌كه‌ین بۆ ئەوەی میکانیزمێکی گونجاو دابنێین بۆ چۆنیەتی دانانی پرۆگرامی خوێندن و چۆنیەتی وەرگرتنی خوێندکار لەو بەشەدا، بەڕەچاوکردنی ئەو تایبەتمەندیانەی زمانی چینیی هەیەتی، چونکە ئێمە یەکەم زانکۆ دەبین لە هەرێمی کوردستان و عێراق کە بەشی زمانی چینی دەکەینەوە".

وتیشى: "بۆ ساڵی نوێ باڵەخانەیەکی نوێ و تایبەت بۆ ئەم بەشە دابیندەکەین تاوەکو لەگەڵ تایبەتمەندیەکانی بەشەکەدا بگونجێت، پلانی ئەوەشمان داناوە بۆ ئەمساڵ 25 خوێندکار لەو بەشە وەربگرین، لە ساڵانی داهاتوودا ئەم ژمارەیە زیاد دەکەین، هەروەها هەندێک پرۆگرامی تایبەتمان هەیە لەچوارچێوەی سیستمی نوێی خوێندن پێویستە ئەو پڕۆگرامانەش لەو بەشەدا جێگەیان بۆ بکرێتەوە".

بەپێی زانیارییەکانی دواڕۆژ: "زنكۆى سه‌ڵاحه‌ددین پێشنیارى كردووه‌ كه‌ چه‌ند کورسیەکی تایبەت بۆ خوێندکارانی چین دابینبکەن تاوەکو لە زانکۆی سەڵاحەدین درێژە بە خوێندن بدەن".

پ: ئا.ح



  • ڕۆژ
  • هەفتە
  • مانگ
created by Avesta Group and powered by Microsoft Azure