بەڕێوەبەرێک لە هەوڵی كوشتن رزگاری بوو

هەواڵ / عێراق :: 07/07/2019‌ :: 13637‌ جار بینراوە

دواڕۆژ


لەهەوڵێكی سەرنەكەوتوو بەمەبەستی كوشتنی بەڕێوەبەری ئاسایشی گشتی بابل-ی حەشدی شەعبیدا، چوار پاسەوانی كوژران و كەسێكی دیكەش بریندار بوو.

سەرچاوەیەكی ئەمنی رایگەیاند "درەنگانی شەوی رابوردوو ئەبو زەر مەسعودی بەڕێوەبەری گشتی ئاسایشی حەشدی شەعبی لە پارێزگای بابل لەهەوڵێكی كوشتن رزگاری بووە".

سەرچاوە ئەمنییەكە باسی ئەوەشی كردووە، هەوڵی كوشتنەكە بووەتەهۆی كوژرانی چوار كەس لە دەستەی پاسەوانی ناوبراو و یەكێكی دیكەش برینداربووە.

سەرچاوەكە ئەوەشی ئاشكرا كردووە، كە كاتێك كاروانی ئۆتۆمبێلەكانی مەسعودی بە رێگەیەكی خێرادا رۆیشتوون، بۆمبێكی چێنراو بە یەكێك لە ئۆتۆمبێلەكانیدا لەنزیك كارگەی شەكری پارێزگاكە لەبەشی باشوور تەقیوەتەوە.

ئا: ئارام غەفور

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure