تەرمی کچێک دۆزرایەوە

هەواڵ / کوردستان :: 06/07/2019‌ :: 2498‌ جار بینراوە

دواڕۆژ، ئاکۆ حەمەد رابی

تەرمی کچێک دۆزرایەوە کە شەش رۆژ پێشتر لە هاوینەهەواری بێخاڵ خنکابوو.


رائید بەیار باڵەکی، وتەبێژی بەرگری شارستانی سۆران (ئه‌مڕۆ شه‌ممه‌ 6ى ته‌مموزى 2019) بە دواڕۆژی وت: دوای شەش رۆژ لە گەڕان و پشکنین سەرئەنجام دوێنێ تیمەکانمان توانیان تەرمی کچێک بدۆزنەوە کە شەش رۆژ پێشتر لە بێخاڵ خنکابوو.

وتیشی: "ئەو کچە ناوی (روقیا حوسێن) و تەمەن دە ساڵان-ه‌ و لەگەڵ کەسوکار و خانەوادەکەی لە شارۆچکەی بەرتلە بەمەبەستی گەشت و سەیران روویان کردبووە دەڤەری سۆران".

وتەبێژی بەرگری شارستانی سۆران باسی لەوەشکرد کە تەرمەکەی گواسترایەوە بۆ پزیشکی دادی سۆران و دواتر رادەستی کەسوکارەکەی كرایه‌وه‌.

پێداچونه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure