داخواز زێده‌كرنا 12% یا پشكا ده‌رمانێن دهۆك دهێته‌‌كرن

هەواڵ / کوردستان :: 04/07/2019‌ :: 114‌ جار بینراوە

دواڕۆژ، بورهان یه‌حیا


رێڤه‌به‌رییا ساخله‌مییا دهۆك داخواز ژ وه‌زاره‌تا ساخله‌مییا ئیراقێ كر كو رێژه‌یا 12% ژ پشكا وان بهێته‌ زێده‌كرن چونكو هێشتا رێژه‌یه‌كا مه‌زن یا ئاواره‌یان ل دهۆك هه‌نه‌.

حه‌مزه‌ محه‌مه‌د عه‌لى به‌رپرسێ راگه‌هاندنا رێڤه‌به‌رییا ساخله‌مییا پارێزگه‌ها دهۆك (ئه‌ڤرۆ پێنجشه‌مب 4 ته‌مووز 2019) بۆ دواڕۆژ دیاركر" لژنه‌یا ساخله‌میێ ل په‌ڕله‌مانێ ئیراقێ كار بۆ پێشڤه‌برن و بلندكرنا رێژه‌یا خزمه‌تێن ساخله‌میێ ل پارێزگه‌ها نه‌ینه‌وا دكه‌ت لێ بۆ ڤێ مه‌ره‌مێ سه‌ره‌دانا دهۆك ژى كرییه‌ چونكو رێژه‌یه‌كا مه‌زن ژ خه‌لكێ مووسل و ره‌خودۆرێن وێ ل دهۆك ئاكنجینه‌ كو نیڤا وان ل ناڤ كه‌مپانن و ڤێ چه‌ندێ بارێ ساخله‌مییا دهۆك 4 جاركى زێده‌تر لێكرییه‌ و هه‌تا نوكه‌ ژى ئه‌و گڤاشتن مایه‌ و كێم نه‌بوویه‌ له‌وا ژ نه‌چارى به‌هرا ده‌رمانێن خه‌لكێ خۆجهێ پارێزگه‌هێ بۆ ئاواره‌ و په‌نابه‌ران دهاته‌ مه‌زاختن و لایه‌نێن په‌یوه‌ندیدار هزر ل زێده‌كرنا خزمه‌تێن ساخله‌میێ بۆ پارێزگه‌هێ نه‌كرییه‌".

دیاركر" پێدڤییه‌ رێیه‌ك بهێته‌ دیتن بۆ كاركرنا فه‌رمانبه‌رێن ئاواره‌ د ناڤ كه‌مپان دا و دیسان رێژه‌یا هاتنا ده‌رمانان كو ل سالا بۆری ب تنێ‌ 12% بوویه‌ بهێته‌ زێده‌كرن بۆ هندێ خزمه‌تا خۆجهـ و ئاواره‌یێن پارێزگه‌هێ بهێته‌كرن".

به‌رپرسێ راگه‌هاندنا رێڤه‌به‌رییا ساخله‌مییا پارێزگه‌ها دهۆك ئاماژه‌كر" د ئامارێن رێڤه‌به‌رییا ساخله‌میێ یا سالا بۆرى و ئه‌ڤ ساله‌ دیار دبیت چ گوهۆرین ب سه‌ر هه‌ژمارا سه‌ره‌دانا په‌نابه‌ر و ئاواره‌یان ل دهۆك بۆ بنگه‌هێن ساخله‌میێ نه‌بوویه‌ له‌وا پێدڤییه‌ وه‌زاره‌ت ب چاڤه‌كێ تایبه‌ت ل دهۆك بنێریت و ده‌رمان و پێدڤیێن دى یێن ساخله‌میێ زێده‌تر بهنێریت".



created by Avesta Group and powered by Microsoft Azure