پارێزگاری كەركوك یەكلایی كرایەوە

هەواڵ / کوردستان :: 04/07/2019‌ :: 11664‌ جار بینراوە

دواڕۆژ


پاش ماوەیەكی زۆر لە كۆبوونەوە و راگۆڕینەوە لەنێوان پارتی و یەكێتی بەمەبەستی دیاریكردنی كاندیدێك بۆ پۆستی پارێزگاری كەركوك، دواجار ئەو دوو حیزبە لەسەر ناوێك بۆ پڕكردنەوەی ئەو پۆستە یەكلابوونەوە.

بەپێی زانیارییەكانی دواڕۆژ لەسەرچاوەیەكی باوەڕپێكراوەوە، تەیب جەبار یەکلایی کراوەتەوە بۆ پارێزگاری كەركوك و راگەیاندنی رەسمیی ماوە.

پێشتر له‌ كۆی پێنج كاندید بۆ پۆستی پارێزگاری كه‌ركوك دواجار ناوبراو وه‌ك كاندیدی هاوبه‌شی پارتی و یه‌كێتیی بۆ پۆستی پارێزگاری كه‌ركوك یەکلایی کرایەوە، ماوەیەكیش بریكاری وەزیری ئاوه‌دانكردنه‌وه‌ بووه‌ لە ئیدارەی سلێمانی حكومەتی هەرێمی كوردستان.

سیڤی تەیب جەبار پارێزگاری نوێی كەركوك :

لە ساڵی 1954 لە گوندی تەپەلوی سەر بە شارۆچکەی قەرەحەسەن لەدایکبووە.

تاوەکو پێنجی سەرەتایی لە گوندی تەپەلو خوێندوویەتی.

لە ساڵی 1963 چووەتە گەڕەکی شۆریجەی کەرکوک بۆ تەواوکردنی خوێندن.

لە ساڵی 1976 کۆلیژی ئەندازیاری تەواو کردووە.

بریکاری پێشووتری وەزارەتی ئاوەدانکردنەوەی هەرێمی کوردستان بووە.

سەرۆکی پێشووتری کۆمیتەی باڵای یەکێتیی ئەندازیاران بووە.

ئەندامی ئەنجومەنی لیژنەی باڵای کۆنفرانسی ساڵی 1995ی کۆمەڵەی رووناکبیری و کۆمەڵایەتی کەرکوک بووە.

لە سەرەتای ساڵی 1970وە دەستی بە شیعر نووسین کردووە.

 

ئا: ئارام غەفور 

بڵاوکردنەوە: ک. س



created by Avesta Group and powered by Microsoft Azure