شەپۆلێکی گەرما و خۆڵبارین بەڕێوەیە

هەواڵ / عێراق :: 03/07/2019‌ :: 12762‌ جار بینراوە

دواڕۆژ


لەزۆربەی ناوچەکانی عێراقدا لە رۆژی چوارشەممەوە پلەکانی گەرما بەرزبووەتەوە و هەرچەندە سبەینێ پێنجشەممە پلەکانی گەرما جێگیردەبێت، بەڵام دووبارە رۆژی هەینی بەرزدەبێتەوە و خۆڵبارین دەستپێدەکات بەتایبەتی لەناوچەکانی باشوور.

 
بەپێی پێشبینیەکانی دەستەی کەشوهەوا و دەستنیشانکردنی بومەلەرزە لە ناوچەکانی ناوەڕاستدا پلەکانی گەرمی کەمێک بەرز دەبێتەوە و رەشەباکەی باکوری رۆژئاوا بەردەوام دەبێت.


لە ناوچەی باکور پلەکانی گەرما کەمێک بەرزدەبێتەوە و خێرایی رەشەباکەی باکوری رۆژئاوا کەمێک مامناوەند دەبێت، بەهەمان شێوە لە ناوچەکانی باشووری عێراق پلەی گەرما کەمێک بەرز دەبێتەوە.


هەروەها رۆژی هەینی پلەکانی گەرما بەردەوام دەبێت لە بەرزبوونەوە بەتایبەتی لە ناوچەکانی ناوەڕاست، سەبارەت بە ناوچەکانی باشوور پلەکانی گەرما بەرزتر دەبێتەوە و رەشەباکە بەهێز دەبێت و رەنگە بگاتە 21 کم/کاتژمێرێکدا، بەهۆیەوە خۆڵ بڵاودەبێتەوە لەبەرامبەریشدا هەوا وشک دەبێت و رێژەی شێ کەم دەبێتەوە هەربۆیە ئامۆژگاری دەدرێت شلەمەنی زۆر بخۆینەوە.

وەرگێڕان: هێڤی فەرهاد

بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە