ئیسرائیل هەڕەشە لە ئێران دەكات

هەواڵ / جیهان :: 02/07/2019‌ :: 783‌ جار بینراوە
بینیامین نەتانیاهۆ

دواڕۆژ

سەرۆك وەزیرانى ئیسرائیل رایده‌گه‌یه‌نێت: "لەئایندەیەكی نزیكدا وڵاتەكەی چەندین بەڵگەنامەی تازە دەخەتەڕوو كە دەیسەلمێنن حكومەتی تاران لە یەكەمین رۆژەوە هەتا ئەمڕۆ خەریكی فریودانە و بۆ چركەیەكیش وازی لە بیرۆكەی دروستكردنی بۆمبی ئەتۆمی نەهێناوە".

بینیامین نەتانیاهۆ، سەرۆك وەزیران و وەزیری بەرگری ئیسرائیل لە وتارەكەیدا ئاماژەی بە گواستنەوەی 100 هەزار بەڵگەنامە كرد كە لە شورئابادی تارانەوە گواستراونەتەوە بۆ قودس و هەموویان دەربارەی ئەرشیفی چالاكییە ئەتۆمییەكانی حكومەتی تارانن.

سەرچاوە ئاگادارەكان دەڵێن: "زانا ئەتۆمییەكانی ئیسرائیل ئەم بەڵگەنامانەیان بە وردی تاوتوێكردووە كە هەموویان بە زمانی فارسی نووسراون و بۆیان دەركەوتووە كە مەبەستی حكومەتی تاران لە بەرنامەی پیتاندن تەنیا گەیشتنە بە قۆناغی دروستكردنی بۆمبی ئەتۆمی". 

لەلایەكی ترەوە یوسی كۆهن، سەرۆكی موساد رایگەیاند: "دەزگا هەواڵگیرییەكانی ئیسرائیل هەوڵیانداوە چالاكییە ئەتۆمییەكانی حكومەتی تاران هەڵبوەشێننەوە و ئەم كارە تا ئەندازەیەكی زۆر بەشێوەیەكی نهێنی بەڕێوەدەچێت".

كۆهین وتی: "هەوڵەكانی ئیسرائیل بۆ رێگریكردن لە سەقامگیربوونی سەربازیی ئێران لە سوریاشدا بەشێكە لە هەوڵەكانی ئیسرائیل بۆ ئەوەی تاران نەتوانێت بۆمبی ئەتۆمی دروستبكات".

پێداچوونەوە: ئارام غەفور 
بڵاوكردنه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure