جیهان به‌كورتی: پارێزگارێک و پزیشکێک و چالاکوانێک منداڵیان هەڵخەڵەتاندووەو فرۆشتوویانن

هەواڵ / جیهان :: 30/06/2019‌ :: 3890‌ جار بینراوە

تاگ :: جیهان

دواڕۆژ

 

ئەلعەبی- ئۆپۆزسیۆنی سودان داوا دەکات ئەمڕۆ خۆپیشاندانێکی ملیۆنی بکرێت
لەگەڵ تەسکبوونەوەی ئاسۆی چارەسەری سیاسی لە سودان، هێزەکانی ئۆپۆزسیۆن داوا دەکەن فشار بخرێتەسەر ئەنجومەنی سەربازی بۆ کۆنتڕۆڵکردنەوەی باری سیاسی و گەڕانەوە بۆ شەقام، هەروەها داوایکرد ڕۆژی یەکشەممە لە خەڕتوم و شارەکانی تری سودان خۆپیشاندان بکرێت.


ئەلعەرەبی- ترامپ لە ناوچە چەک داماڵڕاوەکەی نێوان کۆریا کیم دەبینێت.
مۆن ڤەی ئین سەرۆکی کۆریای باشوور ئاشکرای کرد ئەمڕۆ یەکشەممە دۆنالد ترامپ-ی سەرۆکی ئەمریکا لە ناوچە چەک داماڵراوەکەی نێوان هەردوو کۆریاکە چاوی بە کیم جۆنگ ئون، دەکەوێت ئەمەش سێیەمجارە پاش چاوپێکەوتنەکەی سەنگافورە و هانۆی.


رەئی ئەلیەوم- بەرپرسێکی نێونەتەوەیی ڕەخنە لە شاژنی هۆڵەندا دەگرێت چونکە لە لوتکەی جی20 لە ژاپۆن چاوپێکەوتنی لەگەڵ محەمەد بن سەلمان کرد.
ئەگنیس کالامار بڕیاردەرە تایبەتەکەی نەتەوە یەکگرتووەکان بۆ حاڵەتەکانی لەسێدارەدان لە دەرەوەی چوارچێوەی یاسا ڕەخنەی لە ماکسیما-ی شاژنی هۆڵەندا گرت، چونکە لە لوتکەی جی20 لە ژاپۆن چاوپێکەوتنی لەگەڵ محەمەد بن سەلمان کردووە.


ئەسرار میدیا- "وەک وابێت لە شەوی جەنگەکەدایە"...ئیران باس لە ئامادەکارییەکانی سوپاکەی دەکات بۆ جەنگ لەگەل ئەمریکا.
ڕۆژی شەممە عەبدولڕەحیم موسەوی سەرکردەی باڵای سوپای ئێران وتی "ئێمە باشترین ئامادەکاریمان کردووە، وەک وابێت لەشەوی هێرشەکەداین، بەڵام بەپێی زانیارییەکانمان دوژمن نیەتی جەنگی نییە".


ئەسرار میدیا- بەهۆی شەپۆلی گەرماکەوە سێ کەسی تر گیانیان لەدەستدا
رۆژی شەممە ڕێکەوتی 29ی حوزەیرانی 2019 فڕەنسا ئاشکرای کرد سێ کەسی دیکە بەهۆی شەپۆلی گەرماوە گیانیان لەدەستداوە، بەمەش ژمارەی قوربانییەکان بۆ حەوت کەس بەرزبووەوە.


ئیندپێندەنت- پاریزگارێک و پزیشکێک و چالاکوانێک دەستگیرکران، بە تاوانی ئەوەی چەند منداڵێکیان هەڵخەڵەتاندووە و فرۆشتوویانن
پۆلیسی ئیتاڵیا 18 کەسی لە پارێزگار و چالاکوان و پسپۆری بواری دەروونی دەستگیرکرد، بە پاساوی ئەوەی "مێشکی هەندێک منداڵیان شتووەتەوە"و بەوە قایلیانکردوون دایک و باوکیان خراپ مامەڵەیان لەگەڵ دەکات تاوەکو دواتر لە خێزانەکەیان بسەننەوە و بیانفرۆشن بە خێزانی دیکە.


سی ئین ئێن- چیرنۆبڵێکی سەرئاوکەوتوو
مانگی داهاتوو ویستگەیەکی ئەتۆمی بەرهەمهێنانی وزە بەناوی Akademik Lomonosov پاش 20 ساڵ بنیادنان دەکرێتە دەریای نزیک شاری پێڤیک تاوەکو کارەبا بۆ ئەو کۆمپانیایانە دابین بکات کە لەبواری دەهێنانی ماددە هایدرۆکاربۆنییەکان و بەردە بەنرخەکان کاردەکەن.


ئیندپێندەنت- ترامپ دەڵێت "پێویست ناکات هەوڵ بۆ چارەسەرکردنی کێشەکانی ژینگە بدەین و پاکترین ئاو و هەوامان هەیە"
دووبارە دۆناڵد ترامپ وتی "پێویست ناکات هەنگاو بۆ چارەسەرکردنی کێشەکانی ژینگە بنێین، چونکە ئەمریکا پاکرترین ئاو و هەوای هەیە".


ستاندارد- شازادە هەیا لە وڵات هەڵدیت و هاوسەرەکەی بەجێدەهێڵێت
بەپێی چەند زانیارییەک هەیا بنت ئەلحوسەینی ناسراو بە شازادەی دوبەی شێخ محەمەد بن راشد ئالمەکتوومی هاوسەری بەجێهیشتووە و بەرەو ئەوروپا ڕایکردووە، ئەمەش لە کاتێکدایە ساڵی پێشوو یەکێک لە کچەکانی شەیخ محەمەد بن راشد بەناوی لەتیفە لە دووبەی ڕایکرد.


ئەی پی نیوز- لە پرۆسەی پاککردنەوەی زەریای هێمن 40 تەن شەبەکەی ماسی دەرهێنرا
لە پرۆسەی پاککردنەوەی پاشەڕۆ سەرئاوکەوتووەکانی زەریاکان تەنیا لە ماوەی یەک مانگدا چەند چالاکوانێکی بواری ژینگە 40 تەن تۆڕی ماسیان لە زەریای هێمن دەرهێنا.


ئەی پی نیوز- لە هەموو جیهاندا دەیان هەزار کەس بەشداریان لە فێستیڤاڵی هاوڕەگەزبازان کرد
رۆژی شەممە دەیان هەزار کەس لە هەموو جیهانەوە بەشداریان لە فێستیڤالی هاوڕەگەزبازان کرد و لە مەکسیک ئاهەنگێکی گەورە ئەنجامدرا و لە باکوری پایتەختی مەقەدۆنیا بۆ یەکەمجار فێستیڤاڵی هاوڕەگەزبازان بەڕێوەچوو.


مێهر نیوز- به‌رپرسه‌ ئه‌مریكییه‌كان: له‌ كۆبوونه‌وه‌ی قه‌ته‌ردا چاره‌نووسێكی باش بۆ داهاتووی ئه‌مریكا و ئه‌فغانستان رەچاو ده‌كرێت
كۆمه‌ڵێك به‌رپرسى باڵای ئه‌مریكا ده‌ڵێن "چاره‌نووس و داهاتوویه‌كی دڵخۆشكه‌ر له‌ دانیشتنی ئاشتی نێوان ئه‌فغانستان و ئه‌مریكا له‌ رێدایه‌ و هه‌ردوو لایه‌ن به‌ ئومێده‌وه‌ چاو له‌و دانیشتنه‌ ده‌كه‌ن".


ته‌سنیم- عه‌بدوڵڵا گول ره‌خنه‌ له‌ سیستمی سیاسی توركیا ده‌گرێت
عه‌بدوڵڵا سه‌رۆكی پێشووی توركیا له‌ كۆبوونه‌وه‌ی پارتی سه‌عاده‌تی ئیسلامی، ڕەخنەی له‌ سیستمی سیاسی توركیا گرت و وتی "كۆبوونه‌وه‌ی هێزی سیاسی و جێبه‌جێكاری له‌ ده‌ستی یه‌ك كه‌سدا لێكه‌وته‌ی نه‌رێنی زۆری به‌دواوه‌ ده‌بێت و وڵات تووشی كێشه‌ و گرفت ده‌كات".


ئاژانسی بۆرنا_ هێرشێكی به‌ربڵاوی موشه‌كی ده‌كرێته‌ سه‌ر فرۆكه‌خانه‌ی سعودیه‌
 یه‌حیا سه‌ریع وته‌بێژی هێزه‌ چه‌كداره‌كانی یه‌مه‌ن رایده‌گه‌یه‌نێت: هێزه‌ چه‌كداره‌كانی یه‌مه‌ن و ئه‌نساروڵا هێرشێكی به‌ربڵاوی موشه‌كیان كردووەته‌ سه‌ر فرۆكه‌خانه‌ی جیزان و‌ به‌ هۆیه‌وه‌ گه‌شته‌كانی ئه‌و فڕۆكه‌خانه‌یه‌ وه‌ستاون.

 

وەرگێڕان:هێڤی فەرهاد

پێداچوونه‌وه‌و بڵاوكردنه‌وه‌ی: ئیحسانی مه‌لا فوئاد



created by Avesta Group and powered by Microsoft Azure