ئەمریکا و چین دواقۆناغى جەنگه‌ بازرگانییەکەى نێوانیان یەکلادەکەنەوە

هەواڵ / جیهان :: 29/06/2019‌ :: 168‌ جار بینراوە
دۆناڵد ترامپ، سەرۆکى ئەمریکا و شى جینگ پینگ، سەرۆکى چین

تاگ :: جیهان

دواڕۆژ


پێشبینى ده‌كرێت، دۆناڵد ترامپ، سەرۆکى ئەمریکا و شى جینگ پینگ، سەرۆکى چین، لە چاوپێکەوتنەکەیاندا لە په‌راوێزى لوتكه‌ى G20، دواقۆناغى جەنگى بازرگانی نێوانیان یه‌كلایی بكه‌نه‌وه‌.

لەوبارەیەوە تۆڕى هه‌واڵى (cnbc) لە راپۆرتێکدا بڵاویكردووه‌ته‌وه‌ "چاوپێکەوتنى دوو کەسایەتى گرنگ کە گەورەترین ئابوورى جیهان بەڕێوەدەبەن، کاردانەوەى لەسەر تەواوى ئابوورییە نیودەوڵەتییەکان دەبێت".

بەپێی پێشبینییەکان كه‌ ئه‌و تۆڕه‌ له‌ راپۆرته‌كه‌یدا بڵاویكردووه‌ته‌وه‌ "وا چاوەڕوان دەکرێت، لەو لوتکەیەدا سەرۆکى هەردوو وڵات گرژییەکانى نێوانیان کەمبکەنەوە کە ماوەى سێ مانگە بەردەوام دژ بەیەک لێدوانى ئاگرین دەدەن".

لووتکه‌ی G20 لە شاری ئۆساکای یابان بەڕێوەدەچێت، ساڵانه‌ له‌ په‌راوێزه‌كه‌یدا سه‌رۆكی وڵاتان دوو، سێ قۆڵیی كۆده‌بنه‌وه‌، ئه‌مجاره‌ش چەندین کۆبوونەوەی له‌وجۆره‌ ئەنجامدراوه‌.

له‌ خشته‌ی كارنامه‌ی لووتكه‌كه‌دا، ئاماژە بەوەکراوە "تاووتوێى چه‌ندین پرسی دارایی و ئابوریی و كۆمه‌ڵایه‌تی ده‌كرێت، له‌ نێویاندا تاووتوێكردنی بابەتەکانی وزه‌ و ژینگه‌ و كه‌شوهه‌وا و ئابوری دیجیتاڵی و بازرگانی و چاودێری ته‌ندروستی و خوێندن و كار".

و: ئاکۆ زەنگەنە
پ: ئا.ح

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure