دهۆك: دوو ترومبێل و 10 خیڤه‌ت سۆتن

هەواڵ / کوردستان :: 27/06/2019‌ :: 248‌ جار بینراوە

دواڕۆژ، بورهان یه‌حیا

ئه‌ڤرۆ پێنجشه‌مب 27 حۆزه‌یران ل كه‌مپا شاریا یێ ئاواره‌یان ئاگربه‌ربوو دوو ترومبێل و 10 خیڤه‌تان و به‌ره‌ڤانییا باژێڕى كونترۆلا ئاگرى كرییه‌.

سالم سه‌عید، به‌رپرسێ راگه‌هاندنا بۆردێ كاروبارێن مرۆڤایه‌تى ل پارێزگه‌ها دهۆك بۆ دواڕۆژ دیاركر: "ژبه‌ر ئه‌گه‌ره‌كێ نه‌دیار به‌رى ده‌مه‌كێ ئاگره‌كێ مه‌زن ل كه‌مپا شاریا چێبوویه‌ و ژبه‌ر وێ دوو ترومبێل ژ جۆرێن (كه‌یا 2 ته‌ن و ئۆپترا) دگه‌ل 10 خیڤه‌تان سۆتینه‌ و دووڤدا به‌ره‌ڤانییا باژێڕى شیایه‌ كونترۆلێ ل سه‌ر بكه‌ت".

دیاركر ژى: "د ڤێ روودانێ دا 7 خیڤه‌ت ب ته‌مامى سۆتینه‌ و 3 یێن دى ژى به‌شه‌ك ژێ سۆتینه‌ لێ هاتینه‌ قورتالكرن و زیانێن گیانى نه‌بووینه‌".

ل سنۆرێ پارێزگه‌ها دهۆك 21 كه‌مپێن ئاواره‌ و په‌نابه‌ر هه‌نه‌.

پ: ئا.ح



  • ڕۆژ
  • هەفتە
  • مانگ
created by Avesta Group and powered by Microsoft Azure